معجزه شخصيه معايا

بسم الاب والابن والروح القدس الاله الواحد امين


حقيقي يا جماااااعه ربنا عظيم وربنا بجد جميل قوي وقريب
بجد مننا واي حد هيطلبه اكيد هيلاقيه فورا
ربنا بيحب راحتنا ودايما واقف جمبينا كل اللي عايزه مننا
ان احنا نقوله يارب ندعوه ونقوله تعالى اشفي وتعالى ساعدني
واكيد هنلاقيه يا جماعه صدقوني
انا هاحكيلكم معجزه حصلت مع والدي النهارده 13/11/2009
بصوا يا جماعه انا والدي كان عامل حادثه بالاتوبيس بتاعه
الحمدلله الاصابه بتاعته كانت خفيفه بس كانت كل المشكله انه اتخبط في صدره جامد
وبياخد علاج وبيحط مراهم بس للاسف مفيش نتيجه والخبطه دي مخلياه
مش قادر يتنفس ولا يتحرك ولا ياكل ولا يعمل اي حاجه
والنهارده كانوا بيتفرجوا على الاب العظيم اللي فعلا بركه كبيره موجوده معانا
ابونا مكاري يونان طبعا نايم على ضهره بيتفرج ووالدتي قاعده معاه
فقالتله اطلب من ابونا انه يشفيك وطلبت هي كمان
بالظبط 5 ثواني وبابا لقى نفسه استريح تماما ومفيش اي وجع وبياخد نفسه طبيعي
وصدره رجع عادي جدا وكان في زراق اتشال فورا
ده بس بمجرد انه طلب معونه ربنا حتى انه طلبها وهو نايم تعبان
وطلب الشفى عن طريق التليفزيون ومع ذلك ربنا كان معاه
وحققله الشفا اللي طلبه منه لانه اكيد طلبه بايمان
صدقوني يا جماعه كان قبليها باعتني احجزله كشف بس اللي مش خلاه يروح
انه مش قادر يمشي لغايت الدكتور او حتى ينزل السلم
فبهزر معاه قولتله لما طلبت ربنا الشفا جالك دليفري
لغايت عندك وانت نايم ومن غير اي تعب ولا فلوس

صدقوني يا جماعه ربنا جميــــــــــل جدااااااااااا
فعلا زي ما قال
( اسألوا تعطوا اطلبوا تجدوا اقرعوا يفتح لكم )
( ادعوني في وقت الضيق لانقذك فتمجدني )
( الرب قريب لمن يدعوه )
( لاتخف لاني معك لا اهملك ولا اتركك )
حقيقي يا جماعه الايات دي عظيمه
ولازم يبقى كلنا ايمانا عظيم وفعلا فليتمجد اسم الرب

دي ترنيمه مناسبه مع الموضوع وانا شخصيا بحبها جدا
رفعتلهكم هي ترنيمه مبتنساش
http://www.mediafire.com/?qml5ykrlqyg

ربنا يخليه ليك ويديله طولت العمر وفعلا ربنا معنا وسطنا ومش بيتخله عن ولاده
وميرسى على الترنيمه الجميله اووووووووووووووى دى عشان انا بحبها موت

حمدلة على السلامة يا ابانوب ودة بس علشان انتوا بيت فية محبة وساكن فية ربنا