بولا وديع
النوع : نوع المتصفح: : الجنسية : المهنة : الهوايات : تاريخ التسجيل : 02/09/2009 العمر : 38 المشاركات : 3312 معدل تقييم المستوى : 26 بمعدل : 7633 تاريخ الميلاد : 19/01/1986 الكنيسة او الابراشية : : البطل مارجرجس عين شمس
| موضوع: آكــــــــل.... مـــــاكـــــــــولــــــــش...!!!!!!! 14/3/2010, 9:19 pm | |
| آكل.... ماكولش
لو بتعاني من مشكلة إنك على طول عايز/ه تخسي ومش راضي عن شكلك وجسمك ومبدأك إن على طول في أحسن يبقى كلامنا النهاردة ليك وليكي. دلوقتي في شباب كتيير جداً المشكلة الكبيرة الحقيقية اللي عندهم هي وزنهم ومظهرهم، أوقات بيكون لعب الرياضة هو اللي بيفرض عليهم كدا وأوقات بيكون الأهل هما اللي بيفرضوا علينا الضغط دا. أوقات تانية لما نبتدي في مرحلة المراهقة بنتخض من التغيرات اللي بتحصل فنبدأ في عمل الأنواع المختلفة من الريجيم عشان نحافظ على الشكل اللي أخدنا عليه من زمان. الحقيقة إن اللي بنعملوا دا اسمه اضطراب في التغذية ومهم نفهم شوية حاجات عنه : -أكتر من 5 مليون في أمريكا بيعانوا من اضطراب في التغذية فما بالكم إحنا العرب هيكون العدد عندنا كام. -50% من الشابات عندهم استعداد لاضطرابات التغذية. -أعلى نسبة مرض في الأمراض النفسية هو فقدان الشهية. طيب أيه هو اضطراب التغذية : هو استخدام الأكل بطريقة مش صح في الضغوط النفسية. سواء بالأكل الكتير بطريقة مبالغ فيها أو بفقدان الشهية. في فقدان الشهية النفسي بيكون عندك وجهة نظر أساسية مشوهة عن نفسك (جسدك) وبتستمر النظرة دي حتى لما الشخص بيخس بيفضل حاسس إنه تخين ومش حلو. ودا بيخليك تبعد عن الأكل وتكرهه عشان تخس، لو عندك الأعراض دي خد بالك لأن فقدان الشهية بيدمر صحتك وبيبطأ ضربات القلب، بيخفض درجة حرارة الجسم وضغط الدم. أما الوضع التاني فهو الأكل الكتيييييييير وبيبدأ إنك تاكل/لي كميات زيادة عن الحد الطبيعي وبعدين تحاول إخراج أو ترجيع اللي أكلته عن طريق القيء وهتلاقي نفسك مش قادر توقف نفسك عن الأكل مع إحساس بالندم بعد كل أكلة.
الحقيقة المرض دا مش بيختلف عن مرض فقدان الشهية لأنه بيجيب أمراض زي تساقط الأسنان وضمور اللثة، عدم توازن سوائل الجسم، تضخم الغدد اللعابية، ضعف في الجهاز الهضمي، ضعف في عضلة القلب وحاجات تانية كتير. الكتاب المقدس يقول "أم لستم تعلمون أن جسدكم هو هيكل الروح القدس الذي فيكم الذي لكم من الله وأنكم لستم لأنفسكم لأنكم قد اشتريتم بثمن فمجدوا الله في أجسادكم وفي أرواحكم التي هي لله" 1كور 6: 19-20 يبقى مهم ناخد بالنا من الموضوع دا لأن كمان ليه أضرار نفسية كتيرة مش بس جسدية. اللي بيبان منها جسدي لكن فعلياً هي نتيجة جروح عاطفية ونفسية. بعد ماعرفنا أيه اضطراب التغذية مهم نعرف أيه اللي بيأدي ليه : -عدم تقدير النفس. - الإحساس بعدم التكيف أو التأقلم. -القلق. - تقييمك لنفسك من وجهة النظر الخارجية بس. - التخن. -عدم القدرة على ضبط النفس. - عدم القدرة على التحكم في عواطفك. -التوتر الاجتماعي ونقص المهارات الاجتماعية. - الميل للكمال والمثالية. طبعاً وجود حاجة من دول في حياتك مش معناه إنك عندك المشكلة دي لكن معناه إنك وارد تتعرض ليها. ممكن تسأل نفسك أو تسأل حد من أصحابك لو شاكك إنه بيعاني من اضطراب في التغذية الأسئلة دي والرد هيعرفك : -هل بتتفزع/ي لو اتحطيت في موقف لازم تاكل فيه وجبة كاملة؟ -هل عندك نظام أو طقوس معينة في الأكل يعني مثلاً مش ممكن تاكل إلا صنف واحد بس ومش ممكن صنفين يكونوا في معدتك في نفس الوقت؟ لازم تاكل كميات قليلة ومتنوعة؟ -هل بتقطع الأكل حتت صغيرة وتنشفها بالمنديل عشان تشيل الدهون من عليها؟ -هل إحساسك بالرضا أو الزعل مرتبط بكمية الأكل اللي أكلتها؟ أو وزنك كام؟ أو بتعمل تمارين قد أيه؟ -هل زيادة وزنك بتخليك مختفي ومش عايز تنزل من البيت مع إحساس بالوحدة؟ -هل بتاخد وقت كتير بتفكر في كمية الأكل اللي أكلته أو اللي هتاكله؟ -هل بتاخد/ي أدوية ملينة أو للقيء أو للرجيم؟ -هل بتاكل أكتر من التانيين لو متحكمتش في نفسك؟ -هل بتفقد السيطرة على نفسك وقت الأكل فتاكل أكتر من اللازم فتعدي من الإحساس بالشبع للإحساس بقلة الراحة من كتر الأكل؟ -هل بتزود أو تقلل أكلك لو مريت بحالة إحباط؟ لو حسيت إن الإجابة على الاسئلة دي بتحطك قدام مراية يبقى لازم تغير اتجاهك 180 درجة. مهم تكتشف مصدر الضغط العاطفي اللي وصلك أو وصل صديقك لكدا. في إحصائية بتقول إن البنات اللي عملوا ريجيم قبل سن الـ 14 عرضة للإصابة باضطرابات التغذية 8 مرات أكتر من الباقيين. كمان 60% من اللي بيرقصوا باليه أو بيمارسوا رياضات معينة اللي بتتطلب ليونة عالية للجسم بيعانوا من اضطرابات في التغذية. (مش بنقول متكونش رياضي أو بلاش تحافظي على وزنك لكن الحل كله في المحافظة على التوازن بدون مبالغة). مهم أوي نقتنع بإن شكل الجسد الخارجي مهم لكن مش أهم حاجة.
صحيح ليه تأثير كبير في الرضا عن النفس والرضا دا بناخده من المجتمع اللي حوالينا بس خد وخدي بالك إن مقاييس المجتمع نفسه بتختلف. يعني مين اللي قال إن الوزن دا هو المطلوب ومن اللي حط معايير الجمال؟ المجتمع بيحط معايير الكمال واللي مش بتتوفر في حد كلها مره واحدة. كمان نفس المعايير بتختلف يعني من 20 سنة كان الوزن المثالي هو الوزن الزايد عشان معناه إن الأهل معاهم فلوس!! الكتاب المقدس بيقول في 1صمو 7:16 "فقال الرب لصموئيل لا تنظر إلى منظرة وطول قامته لأني قد رفضته لأنه ليس كما ينظر الإنسان لأن الإنسان ينظر إلى العينين وأما الرب فإنه ينظر إلى القلب" يبقى خلونا نستمد جمالنا من المقاييس اللي في عيون ربنا لأنه خلقنا على صورته، أدانا كرامة في وسط العالم، وآخر حاجة هو اللي خلق أجسادنا من قبل ما نيجي للدنيا وخلاها أجمل من باقي المخلوقات. "لأنك أنت اقتنيت كليتي نسجتني في بطن أمي أحمدك من أجل أني امتزت عجباً، عجيبة هي أعمالك ونفسي تعرف ذلك يقيناً. لم تختف عنك عظامي حينما صنعت في الخفاء ورقمت في أعماق الأرض. رأت عيناك أعضائي وفي سفرك كلها كتبت يوم تصورت إذا لم يكن واحد منها" مزمور 139: 13 - 17منقول للامانة | |
|
روزى كبار الشخصيات
النوع : نوع المتصفح: : الجنسية : المهنة : الهوايات : تاريخ التسجيل : 02/09/2009 العمر : 42 المشاركات : 1538 معدل تقييم المستوى : 5 بمعدل : 2140 تاريخ الميلاد : 22/11/1981 الكنيسة او الابراشية : : امطرانية شبين القناطر....كنيسة البابا أثناسيوس والانبا بيشوى المرج
| موضوع: رد: آكــــــــل.... مـــــاكـــــــــولــــــــش...!!!!!!! 14/3/2010, 9:30 pm | |
| موضوع جميل ربنا يعوضك ميرسى كتير مجهود واضح ومميز | |
|
™¤¦ابانوب عماد¦¤™
النوع : نوع المتصفح: : الجنسية : المهنة : الهوايات : تاريخ التسجيل : 02/09/2009 العمر : 32 المشاركات : 7907 معدل تقييم المستوى : 22 بمعدل : 8764 تاريخ الميلاد : 06/08/1991 الكنيسة او الابراشية : : كنيسة الملاك ميخائيل
| موضوع: رد: آكــــــــل.... مـــــاكـــــــــولــــــــش...!!!!!!! 14/3/2010, 10:59 pm | |
| ميرسي كتير على الموضوع الجميل والمميز ربنا يعوض تعب محبتك ,,,,,, بوب | |
|
christina.awad + المسئول التانى عن المنتدى +
النوع : نوع المتصفح: : الجنسية : المهنة : الهوايات : تاريخ التسجيل : 03/09/2009 المشاركات : 7214 معدل تقييم المستوى : 29 بمعدل : 8649 الكنيسة او الابراشية : : كنيسه العذرا وماريوحنا بالزقازيق
| موضوع: رد: آكــــــــل.... مـــــاكـــــــــولــــــــش...!!!!!!! 14/3/2010, 11:44 pm | |
| ميرسى على المجهود الاكتر من رائع | |
|