تاكسي مارجرجس

معروف أن البنات دايما يتشفعوا بالقديس مار جرجس و القديس الأنبا موسى
الأسود لما يركبوا التاكسي من منطقة بعيدة أو في وقت متأخر بليل و ده عشان
القديسين دول سراع الندهة المهم .. كان في مرة بنت خرجت متأخرة من شغلها
الموجود في منطقة بعيدة في وقت متأخر بليل .. قعدت تصلي و تقول : يا أنبا
موسى الأسود ، يا مار جرجس ابعتولي تاكسي لحسن الوقت أتأخر و أنا تعبانة
شوية و فات تاكسي شاورت له .. وقف .. و ركبت ، و هي جوة التاكسي فضلت تصلي و
تتشفع القديسان دول عشان توصل بالسلامة و فجأة لقت الراجل السواق أداها
صورة الأنبا موسى الأسود .. فسألته و هي متحيرة : إيه ده ؟؟!! قالها : ده
الأنبا موسى .. أنتي مش كنتي بتندهيله من شويه !! وسط ذهول البنت شافت صورة
مار جرجس متعلقة قدام السواق ( كانت فكراها صورة مار جرجس ) فقالت للسواق
حلوة أوي صورة مار جرجس دي .. قالها : لا , دي مش صورة مار جرجس دي صورة
الأمير تادرس البنت قالت له : أنا متأكدة أن دي صورة مار جرجس السواق قالها
: قولتلك دي مش صورته .. أنا مار جرجس .. و دي صورة الأمير تادرس بركة
صلواتهم تكون معانا أمين

ميرسي كتير يا بوب ربنا يعوض تعب محبتك مجهود مميز منك

ميرسي كتير لمرورك الجميل مينا باشا ,,,,, بوب

ميرسى ياقمر على تعب محبتك الجميل والموضوع اكتر من رائع

ميرسي كتير يا ملكه يا قمر على مرورك الجميل ,,,,, بوب