فاتورة كوكو

كان فى ولد
اسمه كوكو وكان عنده 8سنين....كان شكله أمور أوى....ولكن كان عنده
مشكله،هى:ان كل حاجه عنده=فلوس...يعنى لما يعمل خدمه لاى حد لازم تكون
مكافأته فلوس...طبعا دى حاجه وحشه جدا...ما علينا،المهم...فى من الايام حط
ورقه تحت طبق فطار ماما مكتوب قيها:قرش
50|مشاوير عشان ماما.
30|هدوء كوكو فى البيت.
60|عشان كوكو بيذاكر كوسيقى.
60|عشان كوكو ساعد ماما فا المطبخ.
__
2,00
يبقى المطلوب من ماما=2 جنيه،عشان كوكو.
ماما بقى لما شافت الورقه...ابتسمت......وعلى الغدا لقى كوكو ال2 جنيه محطوطين تحت طبقه وكان في ورقه صغيره مكتوب فيها:
قرش:
00|طيبة ماما مع كوكو.
00|ماما لما فضلت سهرانه مع كوكو لما كوكو كان عيان.
00|ملابس ولعب وشرابات لكوكو.
00|الأكل والأوضه الجميله النضيفه بتاعت كوكو.
__
00
يبقى المطلوب من كوكو=00(ولا حاجه)
كوكو لما قرا الفاتوره دى فضل يعيط...وعرف قد ايه ماما بتحبه ومش عاوزه اى
حاجه قدام حبها ده وراح اعتذرلها...واتفق معاها انه هيعمل معاها كل حاجه
من غير فلوس