الوصول للقمة شئ سهل مين الحمار اللى قال كدة ؟؟؟

الوصول للقمة صعب
لكن الحفاظ عليها
حاجة في منتهى السهولة !

هو دة التصحيح المنطوقي بتاع الجملة اللي بتقول
ان الوصول سهل والحفاظ صعب

في الأول وقبل مابدأ انا

ميرنا يعني
مش شايفة اي مبرر منطقي لاي كلمة في المقولة الأساسية
( الوصول للقمة سهل والحفاظ عليها صعب )

يعني اية الوصول للقمة سهل ؟
وحتى لو سهل والكلام دة صح
هل دة صح في بلدنا ؟

يعني انا مثلا بشوف ناس بتتفحت في المذاكرة بس عمرهم ماطلعوا من الأوائل
وقايمة الأوائل تقريبا هي هي كل سنة ولو في تغييرات فيها بتكون في إطار
الخمسة
يعني لو وائل الأول وعبدالله التاني
نلاقي السنة الجاية ان عبدالله بأة الاول وائل التاني

ولا أقولكوا !
سيبنا من حكاية المذاكرة دي خالص
لأن التعليم في مصر مش مقياس لأي حاجة

في السينما مثلا
في نجوم حاليين اتبهدلوا وطلع عين اللي جابوهم
عشان يبأوا نجوم
وكان طريقهم للقمة صعب
صعب بجد
لكن بعد كدة !
خلاص
مهما الممثل دة عمل
ومهما كان الفيلم ضعيف او حتى مالوش اي لازمة
برضو هيتكتب قبل إسم الفنان : النجم .. الفنان القدير .. الفنان الكبير ..
الفنان الفظيع .. الفنان اللي مفيش منه تاني !
ما خلاص
هو وصل لمرحلة القمة
مرحلة اللاعودة !

ولا أقولكوا !
سيبونا كمان من موضوع الفن عندنا
لأن بصراحة انا عندي إعتراضات متتعدش على السينما المصرية والعربية كلها
اللي ماشية بمنطق ان المتفرج لازم يخرج من السينما فرحان بنهاية الفيلم

في الصحافة مثلا
في كـٌـتاب دايما اسمهم مسبوق بــ / الكاتب الكبير
مش بس كدة
متستغربش لو لقيت في الصفحة الأولى من الجرنان إشارة بتنبهك إن الكاتب
الكبير هيتكلم في موضوع كذا إنهاردة
تقرا الكلام بتاع سعادة الكاتب الكبير
تلاقية عادي جدا .. وممكن يكون سلبي وسطحي وساذج كمان
بس
خد
بالك
!
لو قلت رأيك دة بصراحة
تبأة انت اللي فهمك على قدك !
اه
وتبأة مقدرتش توصل للمعاني العميييقة اللي في المقال
ليه ؟
لأن الأستاذ خلاص وصل للقمة !
ومينفعش واحد من أهل القاع زيك ينتقد واحد من أهل القمة

ولا أقولكوا
نبعد برضو عن الصحافة
لأنها هنا مسألة أرزاق
ومش مقياس لأي تلاتين حاجة

كلام في سركوا بأة
هو في ناس
أو
مش ناس ..
لا لا
هو واحد بس
أول مابيوصل للقمة
بيبأة كل اللي بيعملوا ذكاء
وكل اللي بيقولوا حكم
يا راجل دي حتى شخبطة ايدة بتبأة تخطيط لمستقبلك الشخصي 10 سنين لقدام

ولا اقولكوا
سيبنا من الحكاية الأخيرة دي خالص
على إعتبار ان الكلام فيها يودي في داهية

بس كدة انا عندي مشكلة !
مش لاقية مقياس بجد أثبت بية فكرتي

ولا اقولكوا
فككوا مني خالص
وكملو اللي كنتوا بتعملوه قبل ماتدخلو الموضوع

ميرسي كتير مجهود مميز ربنا يعوض تعب محبتك ,,,,,,, بوب

» حب الحمار
» ماهو وجة الشبة بين الحمار و الارنب ؟
» غرامة لعمدة بلدة برازيلية ركب الحمار في حفل تنصيبه!
» ايه اللى جامبك!!؟؟!!؟؟!؟!؟!؟
» توقع وزن اللى بعدك......