موضوع مهم وتقريبا ممكن اى حد فينا يمر بيه

موضوع مهم وتقريبا ممكن اى حد فينا يمر بيه

الفراق

كل واحد فينا معرض فى اى وقت انه يفارق حبيبه او شخص قريب منه او اى حد عزيز علينا واشكال الفراق كتيرة ومتنوعة وكلنا عارفينها

الفراق لما بيحصل بنحس ان الحياة صعبة اوى وان الدنيا متقفلة فى وشنا واننا خلاص فقدنا الامل فى اى شئ

وبننسى طعم الفرح والإبتسامة لأن كل الايام بتكون حزن والم واسى ومبنقدرش نقول غير وداع

وكل ده بيصعب علينا حياتنا وبتمنى ان احزاننا تكتر لدرجة اننا بنخاف من اى لحظة ضحك او سعادة لان فى خيالنا ان لحظة الفرح قدامها ساعة حزن وكل دى صعوبات بتتعبنا اوى

لان كل يوم بنحزن فيه وبنتجرح مش شرط بدموع عيننا لا كفاية دموع القلب او الاحساس الداخلى بالإنكسار والإنهزام والهروب من النفس ومن كل شئ

بس يمكن يكون ده الصح وده قانون الكون لان مينفعش نلوم على اى حد لان فى النهاية كل شئ مقدر ومكتوب والمكتوب مفيش منه مهروب

ويمكن نقول ان الدنيا صح ومفيش لوم عليها وبنقولها زودى احزاننا وجروحنا ونحسس نفسنا اننا عايشين فى غيبوبة وان انا ضيعنا كل لحظة حلوة فى حياتنا واننا منتظرين الألم

بس الصح اننا نختار نعيش ازاى لا نخلى الدنيا ولا اى بنى ادم مهما كان يتحكم فى حياتنا

المفروض نكون متفكرين فى نفسنا وفى حالنا ونعترف بكل اخطائنا ونحاول نغير اى شئ مش حلو فينا للأحسن

حتى لو هندوس على قلوبنا علشان نقدر نكمل ونواصل ونشوف حياتنا ونطول حياتنا لان لو مشينا بالطريقة دى مش هنطول حياة ولا موت

ولا نضعف ولا نتعب ولا نسمع لحد كلام مش تمام ولا نبكى ولا ندمع

المفروض كل واحد يفكر فى نفسه وفى مستقبله لان الماضى خلاص فات والحاضر واقف فى مكانه عاوزين نغيره للاحسن ويكون كل تفكيرنا فى بكرة واننا نغير حياتنا للاحسن والافضل

وكل واحد فينا يقدر يلم جروحه ومفيش اى ندم على شئ راح لان اللى راح راح واللى جاى لازم نفكر فيه

ومنقدرش نلوم على الدنيا ولا على البشر لاننا احنا اللى بنحجر قلوبنا بنفسنا

عاوزين نكسر الحواجز دى وهنلاقى نفسنا احسن وعايشين وبنعرف نتنفس ونتكلم بحرية وبنضحك من قلوبنا بجد

الكلام مفيش اسهل منه بس جرح القلب مش بسهوله يطيب
بس انا عندي طريقه حلوه عشان الواحد يعمل كدا
زي ماتجرحت اجرح وزي ماتخنت خون وزي مااتقسى عليك اقسى على الناس
وجرح بجرح ويدخل حب جديد وتعيش
وميرسي ليكي ,,,,,,,, بوب

الدنيا لسه بخير ياابانوب وفى ناس كتيره كانت بتحب وسابت من غير متاذى الحب ده الى بيحب بجد بيتمنى السعاده للى كان بيحبهم
ميرسى لمرورك الجميل

كلام حلو اوى يا ملكه
وياريت كلنا نعمل بيه
ميرسى يا قمره

انا معاكي كانت في ناس بتحب وسابت
مش بتحب واتغدر بيها ولا بتحب واتجرحت من غير سبب
والمفروض اللي غدر يراعي مشاعر حبيبه على الاققل اللي لسه بيحبه انما لو مش عمل كدا وغدر بيه وكمان جرح فيه يبقى ساعتها يستاهل رد الجرح وانه يتغدر بيه برده ولا رأيك ايه ,,,,,,,, بوب

» هو ممكن أحضر حفلات الرقص؟(موضوع جديد ومهم )
» محدش فينا مش مدمن
» حد فينا فكر فى مرة يقعد مع نفسه ويشوف ربنا ايه فى حياته
» " ابليس بيضرب فينا بكل قوته عشان عارف ان نهايته قربت"
» حل ياشباب ممكن