هو ممكن أحضر حفلات الرقص؟(موضوع جديد ومهم )

هو ممكن أحضر حفلات الرقص؟

تعرفوا ان الرقص مفيهوش مشكلة!!!!!!!

كثير مننا بيلاقوا متعة كبيرة في حضور حفلات رقص وفيها بنلاقي فرصة نستمتع بالموسيقى والرقص مع أصحابنا ولاد وبنات بس ممكن يتطور

الأمر لشرب مخدرات وكحوليات. وكل دا طبعاً يعتبر متعة لناس مننا، لكن السؤال هل حضور الحفلات دي ممكن يكون مناسب للمؤمنين مننا؟؟

بولس الرسول بيقول "امتنعوا عن كل شبه شر" تس 22:5

"ولا تشتركوا في أعمال الظلمة غير المثمرة بل بالحري وبخوها." أفسس 11:5

كمان بيقول داود النبي "طوبى للرجل الذي لم يسلك في مشورة الأشرار وفي طريق الخطاة لم يقف وفي مجلس المستهزئين لم يجلس" مز 1: 1-2

معنى كدا ان الله مش عايزنا نشترك في كل أعمال الظلمة دي السكر وشرب المخدرات طب وبالنسبة للرقص بين الشباب والبنات ؟ هل هو مرضي لله ولا لأ؟؟؟!

كلنا نعرف انه في طرق للرقص كتيرة، لكن اللي نقصده هنا هو الرقص اللي يعتمد على الاتصال الجسدي العنيف بين الراقصين من الجنسين واللي يتطلب طبعاً التجاوب في كلمات الموسيقى والأغاني باستخدام لغة الجسد بإسلوب مبتذل.

تعرفوا إن النوع دا من الرقص جيه في الكتاب المقدس؟

في قصة موسى النبي لما غاب موسى فوق جبل سيناء شعب إسرائيل لقوا نفسهم بلا قائد فـ افتكروا أنهم بلا إله كمان، فعملوا تمثال من الذهب عشان يعبدوه وبالفعل بدأوا في إقامة الطقوس واللي تضمنت طبعاً كل أنواع الرقص الجسدي المباح منه والغير مباح.

"وسمع يشوع صوت الشعب في هتافه فقال لموسى صوت قتال في المحلة فقال، ليس صوت صياح النصرة ولا صوت صياح الكسرة بل صوت غناء أنا سامع." خر 17:32-18

"فبكروا في الغد وأصعدوا محرقات وقدموا ذبائح سلامة، وجلس الشعب للأكل والشرب واللعب فقال الرب لموسى اذهب انزل لأنه قد فسد شعبك الذي أصعدته من مصر" خر 6:32.

طبعاً خلال ممارسة الرقص بيكون اللي بيرقصوا في حالة من التلاصق الجسدي التام، ودا مخالف لقول الوحي "وأما من جهة الأمور التي كتبتم لي عنها فحسن للرجل أن لا يمس امرأة. ولكن لسبب الزنا لكل واحد امرأته وليكن لكل واحده رجلها" 1كور 7:1.

كلمة "يمس امرأة" معناها إشعال للشهوة الجنسية بين راجل وبنت مش متجوزين.

أقولكم حاجة حلوة وعملية.... اسأل واسألي نفسك وانتي في حفلة رقض الأسئلة دي وهتعرفي الرد لوحدك في كل مرة.....

- هل مشاركتك في الحفلة هيدي المجد لله؟

- بحضورك للحفلات دي بتحقق أمر الله بأن "كل ما هو جليل كل ما هو طاهر كل ما هو ميسر كل ما صيته حسن إن كانت فضيلة وإن كان مدح ففي هذه افتكروا وما تعلمتموه وسمعتوه ورأيتموه فهذا افعلوه وإله السلام يكون معكم" (أفس 8:4)

- هل ممكن يساعدك المشاركة في الرقص في أن تبني علاقة قوية بالله؟

- هل يبني هذا الرقص أفكارك وعواطفك في الاتجاه اللي ربنا عايزة ؟

أوقات بيحس المؤمنين بالمسيح في المرحلة دي أن الامتناع عن حضور الحفلات دي هو حرمان من ملذات كثيرة يمكن تسبب المرح والمتعة ليهم.

الحقيقة المؤكدة هي أننا كمؤمنين لا بد أن نحيا كما يأمر الروح القدس وليست كما تأمرنا أجسادنا.

لازم تكون أجسادنا فقط لخدمة الله وأننا نتشبه بالرب يسوع.

يمكن تتضايق شوية عشان مرحتش الحفلات لكن هتحس بحزن وضيق أعمق لو رحت...

ميرسي يا كبير على الموضوع الجميل
بس لازم الناس هترقص اكيد في اي مناسبه ,,,,,,,, بوب

اها دى الطبيعى ميرسى ياريس على تعبك

» موضوع مهم وتقريبا ممكن اى حد فينا يمر بيه
» هل يصح ان الانسان المسيحى ان يرقص اى كان نوع الرقص؟؟؟
» حفلات السمر
» بمناسبه الامتحانات (جديد*جديد)
» حل ياشباب ممكن