ملف طرق عمل المربى

موضوع: ملف طرق عمل المربى 11/3/2010, 10:42 pm

مربى الجوافة

** المقادير **

كيلو جوافة.. كيلو سكر سنترفيش حوالي (3 أكواب كبيرة)
ربع كوب مياه.
2معلقة كبيرة عصير ليمون.

**الطريقة **

1. اغسلي الجوافة وقطعيها شرائح.
2. بعد كده حطيها على النار هادئة لغاية ما تلاقي إنها بدأت تلين، شيليها من على النار وسيبيها لغاية ما تبرد.
3. وعلشان تتخلصي من البذور اللي في الجوافة صفي الجوافة في مصفاة بس خلي بالك إن المصفاة تكون ذات ثقوب ضيقة.
4. ضيفي السكر إلى ماء السلق والجوافة وحطيها على النار هادئة مع التقليب المستمر لغاية ما يذوب السكر.
5. ضيفي إليها عصير الليمون مع استمرار التقليب لمدة 5 دقائق ونزع الريم اللي بيتكون أولا باول.
6. لما تلاقيها استوت شيلها من على النار وسيبيها لغاية ما تبرد وحطيها في البرطمان اللي إنت مجهزاه زي ما اتفقنا واحفظيها في الثلاجة.
ملحوظة: كيلو الجوافة بعد ما يتسلق ويتصفى هيبقى ثلاثة أرباع.

مربى البلح السماني

** المقادير **

كيلو بلح سماني.
كيلو سكر سنترفيش.
عصير ليمونة كبيرة.
على حسب الطلب (قرنفل ولوز مقشر للحشو).

**الطريقة **

1. اسلقي البلح وقشريه وشيلي منه النوى.
2. احشي كل حبة بلح نصف لوزة مقشرة أو حبة قرنفل.
3. يضاف السكر إلى مياه السلق وسيبيه شوية على النار مع التقليب لغاية ما يدوب السكر ثم ضيفي إليها عصير الليمونة وإنت بتقلبي.. زي ما اتفقنا شيلي الريم أولا بأول.
4. عند بدء المحلول السكري السابق بالغليان حطي البلح.
5. بعد كده سيبي المربى تغلي على النار لغاية ما يتحول لون المحلول السكري إلى لون أحمر غامق ويبقى سميك القوام بس خلي بالك إنك تنزعي الريم أولا بأول.
6. لما تلاقي المربى استوت شيليها من على النار وسيبيها لغاية ما تبرد وحطيها في البرطمان اللي إنت مجهزاه زي ما اتفقنا واحفظيها في الثلاجة.

مربى اليوسفي والبرتقال

** المقادير:**

كيلو برتقال بسرة.
كيلو يوسفي.
كيلو سكر.
معلقة صغيرة ليمون.

**الطريقة: **

1. اسلقي البرتقال واليوسفي لمدة 10 دقائق وبعد كده اتخلصي من مياه السلق علشان تتخلصي من مرارة قشر البرتقال واليوسفي.
2. يعاد بعد ذلك سلقه بماء جديد ثم يصفى وتنزع البذور والأعناق.
3. بعد كده افرميه بس خلّي بالك من إنك تحتفظي بالسائل الناتج عن الفرم.
4. ضيفي إلى السائل الناتج عن عملية الفرم السكر واتركيه على نار هادئة مع التقليب حتى يذوب السكر تماما.
5. بعد شوية ضيفي خليط البرتقال واليوسفي المفروم إلى السكر على النار مع التقليب المستمر ونزع الريم أولا بأول.
6. ضيفي عصير الليمون وارفعي درجة حرارة النار واتركيها لتغلي لمدة 5 دقائق.
7. شيلي المريي بعد ما تستوي من على النار وعبيها في برطمانات زي ما اتفقنا.

مربى القرع العسلي

المقادير:
1) كيلو قرع عسلي.
2) كيلو سكر.
3) ثلاثة ارباع كوب عصير برتقال.
4) عصير ليمونة واحدة.

ثانيا: طريقة العمل:
1) يقطع القرع العسلي إلى قطع مربعة صغيرة.
2) نضيف عصير البرتقال والسكر وعصير الليمون إلى القرع العسلي المقطع، ونضعهم على نار هادئة حتى يصبح جاهزا للحفظ في البرطمانات.
3) نعقم البرطمانات.
4) نضع مربى القرع العسلي في البرطمانات ونقفلها بإحكام.

موضوع: رد: ملف طرق عمل المربى 11/3/2010, 11:10 pm

ميرسى يا جميله على الحاجات الحلوه دى
ربنا يباركك

موضوع: رد: ملف طرق عمل المربى 11/3/2010, 11:21 pm

ميرسى لمرورك الجميل جدا والى بيسعدنى ملف طرق عمل المربى 6253

موضوع: رد: ملف طرق عمل المربى 12/3/2010, 12:04 am

ميرسي كتير يا ملكه على الحاجات الجميله دي ربنا يعوض تعب محبتك ,,,,, بوب

موضوع: رد: ملف طرق عمل المربى 12/3/2010, 12:42 am

ميرسى يابوب لمرورك الجميل ملف طرق عمل المربى 800535

» ملف طرق عمل المربى
» ملف طرق عمل المربى
» ملف طرق عمل المربى
» ملف طرق عمل المربى