طــــلـــق يـــا قــاضـى و ما يهمكــــش

قلم: محبه متري

الزوج:

جيت لك ياقاضى مِترجّى خير ............ ......... . تفك أسرى تجعلنى طِير
عايز أطلق الست دىّ ............ ......... ......... ... عشت فى عذابها سنين كتير
مهمشانى ومطنشانى ............ ......... ......... .... والأمر ليها هى المدير
الحب راح ومفيش قبول ............ ......... ........ حاسس بان فى بيتى غول
أعصابها سخنة تزعل تكسر............ ......... ...... وان قلت نكتة على طول تكشر
ورابطة راسها ومستعدة ............ ......... ......... لخناقة يمكن بنت الاصول
ان قلت كلمة ترد عشرة ............ ......... ......... .وان جالى ضيف تطبخ له فول
نكدية دايما ونكدها حاضر ............ ......... ...... طلبات أوامر سواء معايا واللا معيش
أصبر واقول من عينى حاضر ............ ......... .. وان قلت لأ أكون باخاطر
وياما عملت لزعلها خاطر ............ ......... ......... وهى برضه متحبنيش
نهبت فلوسى بذكاء وحيلة ............ ......... ...... ولما تغضب على بيت أبيها
رحت لأبونا يشوف لى حَل ............ ......... ....... يا اما ترجع او يدينى حِل
أبونا قال مفيش طلاق ............ ......... ........ طلق ياقاضى قربت اَمِل.

الزوجة:

طلق ياقاضى ميهمنيش ............ ......... ......... ... بعد ماباعنى ميلزمنيش
اتمنى أبدأ حياة جديدة............ ......... ......... ...... أحس فيها انى باعيش
عانيت كتير من بخل نادر............ ......... ......... .. شحيح وقاسى وطبعه غادر
مش فى الفلوس بس ............ ......... ......... .... فى المشاعر
يخاف يقول لى كلمة حلوة............ ......... ......... ..فاكرنى جارية يملكها هوّ
الشغل والبيت والعيال ............ ......... ......... ... لما مرضت وبقى حالى حال
بسهولة يشتم او يهين ............ ......... ......... .... أقول شمال يقول لى يمين
بذكائى دايما مستهين ............ ......... ......... ...ولا مشاركنى ولا معين
ولا فى يوم يحس بىّ ............ ......... ......... .......ولا مسح لى دموع عينىّ
لما نسيت كلمة حبيبتى ............ ......... ......... .....وهمّه بس هو الماهية
ده معتبرها حقه بدالى ............ ......... ......... .....ناقص ياخدها من الصراف
ولو عزت حاجة يقول وانا مالى ............ ......... .... أحكم ياقاضى بالانصاف
فى الحالتين انا مستفيدة ............ ......... ......... لو فيه طلاق هاعيش سعيدة
ولو رفضت كفاية اهرب ............ ......... ...... يمكن اسافر لبلاد بعيدة
ولما يطلع سره الالهى ............ ......... ........ آخد معاشه وكمان ميراثه
واللى شايله تحت البلاطة ............ ......... ....... وحرمنى منه سنين عديدة .

الابن:

احكم ياقاضى ياللى شغلوك بالدعاوى ............ ......... . والمشاكل والقواضى
ياللى جعلوك حَكَمنَا جوه بيتنا ............ ......... ......... . كشفوا ليك اسرار حياتنا
بيتنا ده اللى كان مباركه اله حنون............ ......... ..... فتحوا فيه شباك للتهور للجنون
سمحوا للشيطان يسود ............ ......... ......... ....... سلموه دفة حياتنا جعلوه هوّ يقود
كل واحد فيهم كان انانى ............ ......... ......... ....... لما فكر فى انفصال
فاكر هى دى الكرامة ............ ......... ......... ......... . وماحاولش يوم يعيد اى اتصال
نسيوا تعاليم الاله ............ ......... ......... ......... .. نسيوا كل محبة أو أى أحتمال
دول عايزين يعيشوا قصة تانية ............ ......... .... فاكرين ان الطلاق هو انطلاق
بس للأسف نسيوا فى عنادهم شئ مهم............ ..... نسيوا ان كان ليهم ابن
ابن من حقه الحياه جوه اسرة مستقرة............ ......ابن محتاج للحنان جوه حضن يستكن
قول ياقاضى انت واحكم ............ ......... ......... ...بس افتكر ان حكمك ده علىّّ مش عليهم
هما احرار ............ ......... ......... ......... ......... .. يحصدوا اللى زارعاه ايديهم
اما انا ...من الآن معادش لىّ اب ............ ......... .......أجرى عليه وفى حضنه اقدر اطمئن
ولا هاقول تانى يا أمى انتى الحنان ............ .......وأبوس ايديكى اللى رمتنى سنين ائن
انا مش عايزكم.. شوفوا حياتكم واتركونى ............ .. ياللى محاولتوش تسمعونى
انا لىّ رب يحس بىّ ............ ......... ......... ......... ....هو الوحيد يعطف علىّ
احكم ياقاضى ............ ......... ......... ........ ياللى فوقك اله عظيم ديان وعادل
على كف ايده ناقشنى ............ ......... ......... ...... ورافعنى فوق كل المشاكل .

يارب سلام
جميل جدا الكلام وللاسف حقيقه مؤلمه لم توصل القضيه للمحكمه
ويحكم فيها انسان ويفك الرباط اللي ربطهم بيه الديان اللي شايف وعارف
ليه مرحوش لربنا قبل مايدورو علي الحل بره
مشكله كبيره بيقيت اسمعها كتيرررررررررررررررررررر
قووووووووووووووووووووووي
وبضياقني كتير
لم الراجل حاسس انه مظلوم
والست حاسه انه مظلومه
يبقي اكيد فيه غلط
استحاله يكون اللي جمعهم جمع غلط
ده ربنا قال
من يجمعه الله لايفرقه انسان
طب ازاي يحصل كده ونسمح ليه بكل ده
ليه ميدوش فرصه اخيره ويقعوده ويطلبوا رب المجد يدخل
بدال مابيروحوا لانسان
ليه محدش منهم يتنازل للتاني
ليه بنحط الكرامه بين الزوجين دول بعد الاكليل اصبحوا واحد مش اتنين
والضحيه هو الابن
فعلا ربنا يرحم
شكرا جدا ليكى ولطرح الموضوع الاكثر من مهم
سلام المسيح مع الجميع

الله الله بجد موضوع رائع ومهم جدا
ربنا يبعد عن كل الناس المشاكل والمحاكم اللى زى دى
بتدمر العائله باكملها وربنا يستر
ميرسى كتير ليكى ياقمر ربنا يعوض تعب محبتك

الموضوع فعلا مهم
والبابا قالها نحن لا يلزمنا احد اللي يطلق يطلق مش علينا
ميرسي كتير ربنا يعوض تعب محبتك ,,,,,,, بوب

موضوعك راااااااااائع بنت الانبا تكلا ربنا يعوضك cheers

» من قال يـــا احــمــــق
» أحبـــك يـــا رب يا مصـــدر الحــــب بقلم القمص مرقص عزيز