marmora jesus مشرفة
النوع : نوع المتصفح: : الجنسية : المهنة : الهوايات : تاريخ التسجيل : 10/12/2009 العمر : 35 المشاركات : 858 معدل تقييم المستوى : 3 بمعدل : 1242 تاريخ الميلاد : 16/02/1989
| موضوع: عربي دة يا مرسي ؟ 10/6/2010, 6:33 pm | |
| يا مورنينج الخير لان التايم دلوقتي 8 الصبح حبيت اكتب توبيك بيوتفل خالص عشان اعمل كومنت كدة على شوية حاجات بنقولها ايفري تايم في كلامنا !!!!!!! مستغرب لية ؟ مسمعتش البنت وهي واقفة في المترو وبتقول لصاحبتها اوووف الجو سو باد انهاردة ؟ ولا مثلا مسمعتش ابلة جمالات وهي بتقول لجوزها الأستاذ حنفي دة وليد جاله كانسر ؟ ولا يعني هتمثل وتقولي انك مسمعتش وائل وهو بينادي كل اصحابو بـ يا مان ؟ ولا معرفتش ان عندنا ميكروباص او تاكسي او اوتو باس اللي هو اوتوبيس ؟ مستغرب لية بأة من مقدمة الموضوع ؟ ماتـ أنسر يا مان
معاكو كيرلس من قدام الكمبيوتر .... ــــــــــــ خلاص كلامنا كله اتلغبط بقى انجليزي غريب احنا اخترعناه على بواقي لغة عربية على شوية عامية و اديها وكمان شوية الفاظ شبابية من اللي طالعين جداد زي الكحرته كدة او جامد موت فحت مثلا ولفظ ( الموزة ) اللي اصبح هو المسمى الرسمي لأي بنت بشرتها بيضة ... الموضوع دة ناس بتشوفه عادي وانا حد هايف اوي اني بتكلم فية خدوا بالكوا كمان من لفظ حد زي حد لطيف وحد امور وحد بيحب شغلو مووووت بس انا شايف ان الموضوع في تطور ولغتنا ضاعت خالص كان زمان ايام جدي وجدك المشكلة انهم تقريبا مش بيلاقو ناس بيتكلموا فصحى لان كان معظم الناس بتتكلم باللهجة العامية انما دلوقتي لو تاخدوا بالكوا المشكلة كبرت واتطورت اوي احنا دلوقتي مش لافيين حد بيتكلم اصلا بلهجة واحدة ! يعني عامية على كم لفظ فصحى على شوية انجليزي غريب بيستفذني اوي ومعاهم شوية مصطلحات شبابية وارزع اي كلام فـ اي حتة وكله بيتكلم ايام جدي وجدك برضو لما كان الانجليز الله يمسيهم بالخير محتلين البلد ومنضفينها طلع الإنجليز من مصر بيتكلموا مصري شوف الأصالة يا جدع عند المصريين ساعتها طلعوا الإنجليز بيتكلموا مصري المشكلة بأة دلوقتي قلة الأصالة مثلا ولا اية ؟ يعني هل الحل اننا نبعت نجيب المطربة أصالة تعيش معانا فترة كدة ولا الحكومة تصدر قرار ان اي بنت تتولد لازم نسميها اصالة ؟ يا جماعه ! فين كلامنا ؟ فين العربي ؟ احنا فين ومين ولية اصلا ؟ مش عيب اننا نتكلم انجلش بس حتى على الأقل نتكلموا صح يعني نحترم اللغة حتى موضوع الإنجلش في مصر متدهور اوي وبالنسبالي فية مشكلتين اول حاجة اننا واخدين عن الانجليزي فكرة انه منظر اجتماعي يعني عشان نبان ناس مثقفة اوي وجامدين اوي لازم ندخلنا كدة كلمتين انجليزي ف وسط الكلام تاني مشكلة اننا اصلا بنتكلموا غلط يعني مثلا في مشكلة حاصلة عند 90 في المية من شعبنا مش عارفين الفرق بين الـ P والـ B دة غير ان تقريبا ربعهم بيقولو على الـ W : U وعلى الـ U : W وكلامنا بأة اللي بنقولو كل يوم موكروباص !!! اية الكلمة دي ؟ تقريبا كدة على حسب مافسرتها هي : Micro Bus يعني اتوبيس صغير بس لية احنا بنقولها كدة ؟ اية موكروباص دة ؟؟؟ ولا مثلا مين السكس بلف دة ؟؟ يعني كل السباكين يقولك السخان دة خربان انزل اشتريلنا سكس بلف !! لما فسرتها برضو لقيتها تقريبا : Safety Valve اللي معناها حاجة كدة زي صمام الأمان اية بأة اللي حول الكلمة كدة !!! كل معلومتنا عن الانجليزي انه بيتقري من الشمال لليمين و Is بتتحط بعد ال He , She . It يا فرحتي يا ماي هابينس !!! كان زمان الجملة : انجليزي دة يا مرسي بس دلوقتي المفروض نقول : عربي دة يا مرسي !!! وحسرتاه .. | |
|
+Roka_Jesus+
النوع : نوع المتصفح: : الجنسية : المهنة : الهوايات : تاريخ التسجيل : 03/09/2009 العمر : 34 المشاركات : 1070 معدل تقييم المستوى : 10 بمعدل : 1408 تاريخ الميلاد : 01/01/1990 الكنيسة او الابراشية : : العذراء مريم و ابو سيفين
| موضوع: رد: عربي دة يا مرسي ؟ 10/6/2010, 6:44 pm | |
| شوف يا مرسى قصدى يا بنت الانبا تكلا مش هقولك اكسبريس ولا مترو انفاق علشان مش تزعلى هههههههههههههههههههههههههههههههه رايى دة ملاحظة شخصية اعتقد ان السبب ان من ملكوا زمام الاقتصاد ببعض قطاعاتة من اغنياء المخدرات والفساد اشولة فلوس بلا عقول ولسطحية وجهل اغلبهم اخترعوا لغة تليق ببساطة جهلهم فمثلا كمثال احدث الموبيلات لا توجد بها ترجمة مصرية عربية يعنى فما كان من جهابذة الجهل الذين لا يحفظون الا a b c كتبوا العربى بحروف الانجليش وتصدرت تلك اللغة الجاهلة الجديدة السطحيين راغبى التقليد و التميز السريع بلا عمق لتصبح لغة متداولة طبعا بالاضافة لتدنى مستوى التعليم بصفة عامة لدرجة ان خريج الجامعة يكتب لغة عربية باخطاء مريرة املائية ما طرحتية يابنت الانبا تكلا باسلوب ساخر ولطيف قضية هامة بس مين يفوق ويّغير ويتغير شخصيا فيما يتعلق بالظاهرة بابدا بنفسى ولا انظر حولى عارف فى يوم تكلمت فى حوار لمدة ساعة مع احدى وجيهات المجتمع ذات السطحية العالية والرغبة بالتباهى تكلمنى انجلش مدشش وارد عليها عربى عامى بس سليم فى نهاية حوارنا قالت لى لما انتى فاهمة كل كلامى بالانجلش بتردى عليا بالعربى لية قلت لها لانى مصرية لغتى العربية مش خليط ههههههههههههههههههههههههههههههههههههه | |
|
™¤¦ابانوب عماد¦¤™
النوع : نوع المتصفح: : الجنسية : المهنة : الهوايات : تاريخ التسجيل : 02/09/2009 العمر : 32 المشاركات : 7907 معدل تقييم المستوى : 22 بمعدل : 8764 تاريخ الميلاد : 06/08/1991 الكنيسة او الابراشية : : كنيسة الملاك ميخائيل
| موضوع: رد: عربي دة يا مرسي ؟ 10/6/2010, 7:53 pm | |
| ميرسي ليكي كتير على المجهود الجميل ده ربنا يعوض تعب محبتك ,,,,,,,, بوب | |
|
christina.awad + المسئول التانى عن المنتدى +
النوع : نوع المتصفح: : الجنسية : المهنة : الهوايات : تاريخ التسجيل : 03/09/2009 المشاركات : 7214 معدل تقييم المستوى : 29 بمعدل : 8649 الكنيسة او الابراشية : : كنيسه العذرا وماريوحنا بالزقازيق
| |
Abanoub Tharwat + المسئول التانى عن المنتدى +
النوع : نوع المتصفح: : الجنسية : المهنة : الهوايات : تاريخ التسجيل : 02/09/2009 العمر : 33 المشاركات : 1740 معدل تقييم المستوى : 9 بمعدل : 2066 تاريخ الميلاد : 25/04/1991 الكنيسة او الابراشية : : كنيسة السيدة العذراء مريم عين شمس الغربية القاهرة
| موضوع: رد: عربي دة يا مرسي ؟ 11/6/2010, 12:03 pm | |
| بجد موضوع جميل جدا بس انا شايف ان الشباب مش عايزين يتكلموا لغة غير الانجليزى ايام جدي وجدك برضو لما كان الانجليز الله يمسيهم بالخير محتلين البلد ومنضفينها طلع الإنجليز من مصر بيتكلموا مصري طب ليه معلموش مصر اللغة الانجليزية انا عارف اننا بندرس الانجليزى فى المدارس والجامعات لكن فى فرق كبييييير ايام فرنسا لما كانت محتلة الجزائر كانوا الجزائرين نفسهم بيتكلموا فرنساوى وهيا الغة الى هما بيتكلموا بيها فى بلدهم او برة بلدهم لكن احنا بنتكلم الاتنين مع بعض مصرى على انجليزى زى ما حضرتك بتقولى بس بجد موضوع هايل جدا | |
|