العرايس مفيدة فى خدمة مدارس الاحد

ليه العرائس مفيدة فى خدمة مدارس الأحد ؟؟!!

1. تجذب انتباه الأطفال.

2. بتفرح قلوب الأطفال :
لأنها بتنقله من الواقع للخيال ومن لمكان، تأخده على كوكب المريخ وتوديه
بلاد كتير وعالم مش عايشه .. وكل ما تنوع أكتر كل ما الطفل يتشد أكتر فيفرح
أكتر ..
3. ترفع الحاجز بين الخادم والأطفال :
لأن اللى فى المشهد مش أنكل أو ميس فلان أو فلانة .. لكنه عم فلان أو
الحيوان أو الطائر الفلانى .. أو الكائن الفضائى فلان .. فبالتالى مافيش
حواجز

4. بتصلح سلوكيات الأطفال :
لأنها بتساعده على كونه ايجابى ويصلح من نفسه ..

5. تتناسب مع جميع الأعمار والفئات :
مافيش حد مش بيحب العرائس .. من حضانة لابتدائى لاعدادى ..
ده كمان ثانوى وجامعة وخريجين بيحبوا العرائس ( طبعا لو الموضوع بيناسب
فكرهم )
طفل القرية وطفل المدينة والأمريكانى والهندى والمصرى بيحبوا العرائس

6. أداه فى ايد الخادم :
ممكن تشكلها زى ما انت عاوز .. فى الشكل او الحجم او الامكانيات او الدور
اللى هاتقوم بيه ( تحت أمرك )

7. فن سهل تعلمه :
سهل فى التدريب والاتقان .. مش محتاج ولا وقت ولا مجهود كبير ..

ربنا يبارك خدمتكم