ماهو الحب ؟وماهى صفاته ؟

موضوع: ماهو الحب ؟وماهى صفاته ؟ 26/6/2010, 1:51 am

ماهو الحب؟
و ماهى صفاته؟
و هل الحب ضرورى فى حياة الانسان ( إيه شكل الحياة من غير حب ؟ ) ؟
و هل للحب والرومانسية وجود فى الكتاب المقدس؟

.دى أسئلة لقيت نفسى باسألها بس مش لاقى عندى إجابة على الأسئلة دى
بصراحة أنا عشت حياتى و عندى شعار واحد و هو
" Be serious "
يعنى وقت الدراسة يبقى دراسة ، و وقت الاجازة يبقى تحضير للخطوة اللى جاية فى حياتى ، و فجأة سالت نفسي لقيت نفسى بسأل ( طب قلبى هايفضل فاضى على طول ؟؟؟؟؟؟؟؟؟ ) أنا نفسى أملا قلبى بالحب بس ( إزاااااااااااااااااااااى ؟ ) و ده كمان سؤال طب و بعدين ، أنا ماكانش فى بالى إنى ممكن يوم أبقى محتار كده ، قولت لنفسى طب علشان أدخل فى الحب لازم أعرف عنه كل حاجة قبل مادخل فيه ، و سألت الناس اللى أعرفها إيه الحب ؟ و كانت الردود متوفرة و بكثرة

( الحب هو إحساس بيعيشه الانسان وبيخليه مبسوط و بيخلى القلب ينبض بسرعة حبتين )

و لما دورت على مواصفات الحب الحقيقى ( ماهو أنا واخد الموضوع جد بقى و مش فاضى للتسلية لقيت مواصفات و
منها إنك لماتكون بتحب بجد بتبقى
مشتاق دايماتتكلم مع اللى بتحبه
عاوز تقرب أكترمن اللى بتحبه

الاحساس بالأمان مع اللى بتحبه

بتفكر فى اللى بتحبه كتير و ممكن تنسى نفسك و انت بتفكر فى اللى بتحبه

إنك تفهم اللى بيحبك حتى من غير ما يتكلم ( تفهم صمته ، تفهم تعبيرات وشه أو جسمه عموما ) كل تصرفاته

إنك تعرف الوسيلة للتقرب للى بتحبه ( تعرف بيحب إيه و تعمله ، تعرف بيكره إيه و ماتعملوش ) وكمان

تحس انه غير فيك حاجات كتير و عمل منك إنسان جديد

تدور بينكم على الصفات المشتركة

الوقت اللى بتقضيه مع اللى بتحبه بيجرى بسرعه و بتبقى حاسس إن الساعة بتجرى بسرعة عن أى وقت تانى

بتخاف على شعوره

سهل تضحى بحاجات غاليه عليك علشان اللى بتحبه من غير ماتحس أو تفكر بالتضحية و قيمتها لانه بيكون أغلى عندك
تفرح لفرح الى بتحبه و تتألم لألمه و تحاول تشيل عنه ألمه و تشاركه فرحه

بتحاول ترضى اللى بتحبه بأى طريقه

تحب تتكلم عن الحب اللى بينكم و مش بتخاف منه و لو إتكلمت بتتكلم بفرح

بتشوف اللى بتحبه كامل فى كل حاجة

فى غياب اللى بتحبه عنك بتبقى حاسس إنك غريب وسط الناس بتبقى حاسس إنك وحيد

مش بتضايق إنكتعتذر عن أى حاجة عملتها غلط فى حق اللى بتحبه

لما بتحب بجد ومثلا حصل موقف ضايقك من اللى بتحبه بتعاتبه ( العتاب هنا لأنك فعلا مش بتبقى عاوزتسيبه أو تفترقوا ، العتاب فى حد ذاته بيبقى دليل على الارادة فى إستمرار العلاقةمش إنهائها لأنك لو الشخص ده عمل حاجة ضايقتك و هوه مش فارق معاك هاتسيبه و تنفضلهمش هاتبقى باقى على أى حاجة بينكم ) العتاب

و حاجات كتيرتانى بس عموما اللى عرفته ان لما تجتمع الصفات دى بيبقى حب حقيقى مش مجرد إعجاب أوتسليه

و بعد كده دورتعلى أهمية وجود الحب فى حياة الإنسان و لقيتالردود
من خصوصيات الحبأنه يمنحنا سعادتين
سعادة لما ثحبتحس ان حد بيحبك
وسعادة لما نكوننحب حد تانى
الحب بيديناالشعور بالأمان, بالطمأنينة, بالنقاء ( من الحقد والكراهية و السواد الداخلى ) , بالثقة في النفس
و كمان الحب يمتدأهميته من هوه اللى بيضيف التوابل في حياتنا
الحب هو اللىبيخلينا نشعر بأننا جوه قلب اللى بيحبنا و محور إهتمامه , و كمان بتحس انك مهم للىبتحبه
الحب بيدى معنىلحياتنا
الحب هو الشيءاللى بيدي لينا الثقة للتحرك في الحياة
الحب مطلوب في كلمكان وفي كل مجال من مجالات الحياة
حتى لما بتديالحب الحقيقى لشخص بتحس إنك أخدت قوة فى انك تعمل حاجات كتير ماكنتش فاكر انك تقدرتعملها

مع الحب ده بسنقدر على الإبحار من خلال الأوقات الصعبة فيالحياة

اللى خلانى أفكرفى السؤال الرابع اللى هوه
و هل للحب والرومانسية وجود فى الكتاب المقدس ؟
طبعا الحب والرومانسية و الغزل موجودة فى سفر نشيد الأنشاد بس ده سفر رمزى
و بعدها دورت علىحالة حب تكون موجودة فى الكتاب بس فيه حاجة حصلت و هى إنى سألت نفسى سؤال ( هل حب ربنا بيكون ليه المواصفات دى؟؟؟؟؟؟؟؟؟؟؟؟ ) يعنى ده يمشى مع الحب بين الناس الأب و إبنه أو الأموإبنها أو الولد والبنت بس حب ربنا ممكن يكون زيهم؟؟

مأنا عايش حياتىكلها و أنا بحب ربنا و بقول فى ترانيم كتير " أحبك ربى يسوع و ليس لى سواك " وترانيم كتير زى دى
بس هل أقدر أقيسحبى لربنا بالمقاييس دى ؟؟؟؟
طب أعرف إزاى قدايه بحب ربنا ماهو ربنا طلب منى" أحب الرب إلهك من كل قلبك و من كل فكرك و من كل قوتك"
و هوه اللى وصانى بإنى أحبه ، طب أنابحبه ؟
طب اللى حبوا ربنا قبلى حبوه ازاى؟؟؟
فتحت الكتاب المقدس أدور على الحب ولقيت حب كتير جدا و أكتر حاله حب إتأثرت بيها هىحالة الحباللى عاشها داود مع الله

داود كانو هوه صغير فى السن ( صبى ) كان بيرعى غنم أبوه منسى. طب ايه اللى كان بيعمله طولاليوم اللى كان بيرعى فيه الغنم فيه. ده , كان بيروح مراعى يعنى أرض مفتوحه فيهاخضره" انا صغيرا كنت فى اخوتى و حدثا فى بيت ابي كنت راعيا غنمابى "و مافيش حد معاه تفتكر داود كان بيزهق من انه يقعد لوحده فى الاماكنالواسعه دى ؟؟؟؟؟؟؟ ، ده اللى فكرت فيه . كان بيعمل ايه طول اليوم ؟ بس لما قريتشويه فى الكتاب لقيته و هوه رايح أول اليوم كان بياخد معاه العصايه بتاعته و كمانالقيثارة و عرفت انه ماكانش بيقعد لوحده فىالمرعى ده كان يقضى اليوم مع اللى بيحبهيتك

واليوم ده اليبيحبو
يتكلموا مع بعضانا عاوز أقول ان الشعر و الغزل فى الحب عرفهم داود بس مش كلام و بس ده كان بيغنىللى بيحبه تخيل نفسك عايش حالة حب و كمان بتقول أحاسيسك للى بتحبه داود كان قلبهمليان بالحب و اللى كان بيجرى فى عروقه ماكانش دم ده كان حب لان قلبه مليان بيهعارفين قلب داود من كتر ما كان الحب بيزيد فى قلبه قلبه فاض بس الفيضان ده كان عنطريق لسانه ( المزامير ) داود بيتكلم عن الحالة دى و بيقول" فاض قلبي بكلام صالح "تخيل ان قلب داود بركان و لما زاد الحب جواه خرج الحب فى صورة مزامير و كمان ربنابيقول" من فضلة
يتكلم الفم "تخيل ان اللى إتكلم بيه داود ده كان الفضله يعنى البواقى لكن الجزءالاكبر كان جوه قلب داود تفتكر إن ممكن حب مايكونش حقيقى يطلع منه الشعر ده والأغانى دى

و من كتر حبهلربنا الحب إداله ثقة كبيرة و أمان و ده ظهر فى" الرب راعي فلا يعوزني شيء "من كتر حبه لربناامتلئ داود بالامان و تخيل نفسه خروف فى قطيع الرب و لأن داود كان راعى فكان عارفالراعى بيحب خراف قطيعه قد إيه و الراعى بيحمى خرافه إزاى و عارفهم واحد واحد مشبينسى حد فيهم مع إنهم كتير و شبه بعض بس اللى بيقدر يفرق ده عن ده هوه الراعى بسداود كان بيروح فى المراعى و يجلس فى حضن حبيبه و يتمتع بالحب عارفين أنا بصراحةبحسد داود لانه كان بيقابل اللى بيحبه كل يوم و يقعد معاه وقت طويل و كان فى بينهمعتاب فداود لما كان بيتضايق كان بيعاتب ربنا ( عتاب الأحبه ) و يقوله" لماذا تحجب وجهك و تنسى مذلتنا و ضيقنا "و كمان بيقوله" إلى متى يارب تنسانى "و كمان" يا رب لماذا تقف بعيدا لماذا تختفي في ازمنة الضيق "لما قريت كلام داود ده قولت فى نفسى إزاى داود يقول الكلام ده ؟هوه مش عارف إن ربنا مش بينسانا أبدا ؟ بس لما فكرت عرفت إن ده هوه العتاب اللىبيبقى بين الأحباب عارف لما بتضيق بيك الدنيا و تلاقى الدنيا بتخبط فيك و مش عارفتعمل حاجة بتروح لحبيبك و تفضل تشتكيله همك و لأنه بيهمه أمرك بيسمعك و بيحاول يشيلهمومك حتى لو بإنه يسمعك بس لما بتكون فيه حاجات كتير مضايقاك و منهم حاجة عملهااللى بتحبه بتروح و تعاتب فى حبيبك على اللى عمله هوه بس من جواك بتبقى بتفرغ كلاللى عنك من مشاكل فى حبيبك و علشان هوه بيحبك بيسمعلك و مش بيزعل منك لأنه فاهمكبس لما بتفرغ اللى جواك بتحس بإن مشاكلك خفت شويه دى حالة من الحالات اللى بيعملهاالحب

و فيهكمان حاجة لما حبيبك بيطلب منك حاجة بتحاول بقدر الإمكان إنك تعملها علشان اللىبتحبه حتى لو كانت أكبر منكلما لما داود كان فى ميدانالمعركة ( شعب إسرائيل و الفلسطينيين ) و هوه كان رايح يوصل أكل لإخواته إيه اللىخلاه يدخل فى الحرب دى و يحارب جليات غير الحب ، الحبهوهاللى خلى الصبى راعى الغنم يحارب مقاتل عملاق

طب يادواود راعي و
كمان سنكصغير ايه اللى يخليك تدخل فى الحرب دى أنا لو مكانه كنت قولت وانا مالى ماهو جنود وعارفين أصول الحرب كويس و مش بيعملوا حاجة أنا أعمل ليه بس لما بتحب بجد بتبقى عندكالشجاعة انك تعمل أى حاجة للى بتحبه . بعد ده كله تفتكر داود ماعرفش الحب ؟؟؟ ،تفتكر العلاقة اللى كانت بين داود وربنا ماكانتش حب ؟؟؟ ، تفتكر الحب و الرومانسيةو العشق و الغزل ده كله ماكانش فى علاقة داود بربنا ؟؟؟ بس برضه علشان أتأكد دورتعلى مواصفات الحب فى العلاقة بين داود و الله و لقيت داود يرد على ويقول
" خبات كلامك فيقلبي لكي لا اخطئ اليك "[/size]
" طرقك يا رب عرفني سبلك علمني "[/size]
" يمتلئ فمي من تسبيحك اليوم كله من مجدك "
" ارحمني يا رب لانني اليك اصرخ اليوم كله "" ما اعظم اعمالك يا رب و اعمق جدا افكارك "
" علمني ان اعمل رضاك لانك انتالهي روحك الصالح يهديني في ارض مستوية "
" اسمعني رحمتك في الغداة لاني عليك توكلتعرفني الطريق التي اسلك فيها لاني اليك رفعت نفسي "
" تقدمت في الصبح و صرخت كلامكانتظرت "
" ستري و مجني انت كلامكانتظرت "
" سراج لرجلي كلامك و نورلسبيلي "
" من كل طريق شر منعت رجليلكي احفظ كلامك "
" تاقت نفسي الىخلاصك كلامك انتظرت "
" نصيبي الربقلت لحفظ كلامك "
" بفرائضك اتلذذ لا انسى كلامك "
" ابتهج انا بكلامككمن وجد غنيمة وافرة "
" انتظرتك يارب انتظرت نفسي و بكلامه رجوت "
" يا الله انت عرفت حماقتي و ذنوبي عنك لم تخف "
" لاني انا قد عرفت ان الرب عظيم و ربنا فوق جميع الالهة "
كم احببت شريعتك اليوم كله هيلهجي "
" طريق وصاياك فهمني فاناجيبعجائبك "
" فهمني فالاحظ شريعتك واحفظها بكل قلبي "
" يداك صنعتاني وانشاتاني فهمني فاتعلم وصاياك "
" عبدك انا فهمني فاعرف شهاداتك "
" عادلة شهاداتك الى الدهر فهمني فاحيا "
" ليبلغ صراخي اليك يا رب حسب كلامك فهمني "
" انا سلام و حينما اتكلم فهمللحرب "
" الرب لي فلا اخاف ماذايصنع بي الانسان "
" عن احكامك لمامل لانك انت علمتني "
" يا رب الهالجنود من مثلك قوي رب و حقك من حولك "
" جميع عظامي تقول يا رب من مثلك المنقذ المسكين ممن هو اقوى منه والفقير و البائس من سالبه "
" و بركالى العلياء يا الله الذي صنعت العظائم يا الله من مثلك "
" و لكني دائما معك امسكت بيدياليمنى "
" غريب انا في الارض لاتخف عني وصاياك "

عارف لو هانقول إن فيه حد حب قبل كده هايبقى داود
لو هانقول إن الحب اللى فى العالم ممكن يتقسم , داود هايبقى ليه نصيب نص الحب اللى حصل فى العالم

و بعد ده كله عرفت إنى ماحبيتش قبل كده و لا حتى ربنا
واعتقد اني كل اللي شاف الموضوع ده مختبرش حالة الحب الإلهي الليعاشها داود مع الرب , ولا خطر يوم في بالك ان تعشق الله مع العلم ان الله خلقك لكييتلذذ بك وتحيا لاجل فرحه واسعاده مع الله تختبر الحب النقي الطاهر العديمالرياء
و المرة اللى جايه هاقولكإيه اللى حصلى لما الحب دخل حياتى
عاوز تعليقك ، عاوز رد منك ،
عاوزك تصححلى اللى أنا بافكر فيه أرجوك إتكلم

ميرسي كتير ربنا يعوض تعب محبتك ,,,,,, بوب

ميرسى كتير ليكى ياقمر على تعبك

» ماهو نوع احساسك؟؟
» الأسرة هي أول مؤسسة أقامها الله، الخالق، على الأرض؛ لتعكس صفاته وليرى فيها ذاته!
» رسائل عيد الحب 2010 – مسجات عيد الحب
» ابحث عن الحب وداعا ايها الحب
» احلى واصعب لحظات الحب حزن الحب