الوصفة السحرية للسعادة الزوجية..؟!

الوصفة السحرية لاستمرار السعادة الزوجية

احنا بنروح نتعشى فى مطعم فاخر يومين كل اسبوع

هى بتروح الثلاثاء وانا بروح الجمعة

علشان نجدد الاشواق كل واحد بينام فى سرير
انا سريرى فى مصر وهى سريرها فى اسكندرية

انا باخد مراتى دايما افسحها فى حتت بعيدة
ومع ذلك برضه بتعرف ترجع للبيت

سالت مراتى تحبى تروحى فين فى عيد جوازنا
قالتلى نفسى تودينى حتة مرحتهاش من زمان رحت موديها المطبخ

دايما نخرج وايدينا فى ايد بعض
لان لو ايدها فلتت من ايدى حتدخل اول محل تفرتك المرتب كله

كل يوم باشتريلها حاجة جديدة عندها مكنسة كهربائية
, سشوار كهربائى , توستر كهربائى
خلاط كهربائى
, وبعدين جاية تقولى البيت اتملى اجهزة ومش لاقية حتة اقعد فيها
فجبتلها كرسى كهربائى

داخلة تشتكى ان العربية مش راضية تدور لان الكربراتير مليان مية
سالتها طب والعربية واقفة فين دلوقت
قالتلى فى وسط النافورة بتاعة ميدان العباسية

مراتى عملت رجيم هايل بتاكل موز وجوز هند بس
ايوة هية مخستش ولا كيلو بس بقت نشيطة وبتتشعبط على اى شجرة تشوفها

ودمتم فى سعادة

منتهى الشكر

الرب يبارككم

رائع جداا

» بعـــض النصائـــح للسعــادة الزوجية
» الخيانه الزوجية .. الأسباب والعلاج
» الرومانسية فى الحياة الزوجية
» العلاقة الزوجية في ضوء الانجيل
» تدخل الاصدقاء فى العلاقة الزوجية