AL MALEKA HELANA
النوع : نوع المتصفح: : الجنسية : المهنة : الهوايات : تاريخ التسجيل : 09/10/2012 المشاركات : 152 معدل تقييم المستوى : 0 بمعدل : 174
| موضوع: نفسى اعرف ايه السبب 8/1/2013, 2:45 pm | |
| سلام لجميعكم شكرا جدا على فكرة حوار من الاعماق ربنا يبارك خدمتكم بصراحه انا جوايا حاجه كان نفسى اعرف سببها من زمان والطريقه ده اتاحت ليا كتير بس نفسى اتكلم ونفسى اعرف هو ليه بيحصل كده معايا وهل ده عادى ولا لاء؟ الحقيقه انى ساعات بمر بمرحلة اعجاب بشخص ما وتعدى عليا فتره بحس انه كويس جدا وبصراحه ده بيلفت نظرى لما بحس باهتمام منه ولو بسيط لكن انا بأعجب جوايا بس ممكن تفتكروا انى برسم لنفسى كده او بحسس نفسى بحاجه مش صح من ناحية الاهتمام بس بصراحه مش انا بس اللى باخد بالى انا ساعات باخد بالى ومركزش علشان مش بحب احط فى بالى حاجات ملهاش اساس لكن صحباتى ممكن يحسسونى بده لما يتكلموا قدامى وكده المهم انى بحس بالاعجاب ده لكن بيكون مجرد وقتى لانى بعد ما بحس انى مشاعرى بدأت تتحرك بأقف قصاد ربنا واطلب منه بدموع انه مايخلنيش اتعلق بالشخص ده وبقاوم نفسى وفعلا بنسى هذا الشخص وده كله برضوا جوايا انا مش بصرح لحد على اى حاجه انا بحكى مع ربنا والبابا كيرلس المشكله ان الحكاية ده ممكن تتكرر لما احس ان شخص تانى بيهتم بيا وكده وبتعلق بيه جوايا فتره وباخد فتره علشان اطلع نفسى من الشعور ده وبحاول ابعد كنت دايما بسأل ربنا ليه ادتنى مشاعر تتحكم فيا؟؟ وبكلمه بدموع ؟؟ عاوزه اقولكم على حاجه يمكن يكون بيلفت نظرى فى اى شخص قربه من ربنا و احترامه واهتمامه بيا وفى وقتا ما اعجبت بشخص لكن ماكنتش بقدر اطلعه من جوايا لانه كان كل يوم بيكبر فى نظرى اكتر لما بشوفه بيعمل موقف كويس مع اى حد وزاد جوايا تعلقى بالشخص ده وحاسيت با هتمامه بيا على الرغم انى مش بتعامل معاه الا قليلا جدا حتى صحبتى حاست باهتمامه نحيتى ولانى بصراحه معجبه بيه فاكيد صدقت الاهتمام ده كنت كل يوم ببكى لربنا يارب انا ضعيفه يا تخلينى انسى الشخص ده يا تخلينا نكون لبعض وعدت ايام ورا ايام وسنين وانا خلصت كليتى وهو لسه جوايا لكن بنسيه لنفسى واصلى لربنا نفس الصلاه وحاولت انى انساه فعلا لانه لو كان عاوزنى كان اتقدم وخلص واخدت قرار انى لازم انسيه لنفسى المهم فى يوم اتقدملى شخص كويس جدا قعدت معاه وارتحتله وهو كمان ارتحلى جه يوم انى اخد قرار وكنت خايفه كانت جوايا مشاعر مختلطه ياترى هحبه ياترى هقدر اسعده هو شخص جميل جدا وفى نفس الوقت جوايا شعور بيقولى طب ماتدى فرصه تانى للشخص التانى يمكن يتقدم بصراحه حاسيت انى بضحك على نفسى هفضل استنى الى متى ؟؟ والشخص اللى متقدم حد رائع و انسان جميل طلبت من ربنا انه يتدخل فى الموضوع قولت لربنا يارب لو انت شايف ان الشخص ده هو اللى هكون سعيده معاه حسسنى بده اكشفلى يارب طلبت بصلوات حاره وطلبت من ربنا انه كمان يساعدنى ان مفيش لحظه يجى الشخص التانى على بالى وانه يساعدنى انى انساه وفعلا حاسيت بارادة ربنا وكمان البابا كيرلس كشفلى بطريقه عجيبه عن انه بيطمنى من ناحية الارتباط د وفرحت جدا وفعلا اتخطبت للشخص ده و مبسوطه لكن كل شويه بتعدى جوايا مراحل خوف ياترى انتى اخترتى صح ياترى مش هتندمى ياترى هتكونى سعيده مع العلم انى مبسوطه مع خطيبى الا بعض الاوقات بيبقى فيها شد واعتقد ده عادى مش غريب لكن الخوف اللى جوايا مش سايبنى خايفه يحصل جوايا زى ما كان بيحصل زمان خايفه فجأه الاقى مشاعرى متلخبطه خايفه لانى مش هسمح لنفسى لانى دلوقت لازم اكون امينه على كل فكره بفكرها لان ده امانه اتجاه خطيبى قوليلى من فضلكم ليه بيحصل كده كنت بتمنى ابقى زى البنات العاديين بس اللى عاوزه اقوله انى بجد بحب خطيبى واكتر حاجه بتشغل بالى ان اكون مصدر سعادته صلوا من اجل ضعفى | |
|
JESUS LOVE You
النوع : نوع المتصفح: : الجنسية : المهنة : الهوايات : تاريخ التسجيل : 09/10/2012 المشاركات : 154 معدل تقييم المستوى : 0 بمعدل : 178
| موضوع: رد: نفسى اعرف ايه السبب 9/1/2013, 10:57 pm | |
| أختي العزيزة .. إنت إنسانة حساسة ونقية جداً
واضح من كلامك إنك بتلاحظي نفسك بإستمرار في مشاعرك وكمان عند روح المقاومة لأي مشاعر خاطئة حتى لو أخدت منك وقت ومجهود
قبل ما أبدأ أتكلم بخصوص مخاوفك اللي ذكرتيها .. أحب أوضح لك جزء إنت ذكرتيه في كلامك
وهو إنك لما بتحسي بالمشاعر المتدفقة تجاه شخص ما بترجعي لربنا وتعاتبيه وتلوميه على المشاعر دي
عزيزتي.. الله خلق الإنسان على صورته بمعنى إنه كيان حر الإرادة ولديه العقل الواعي ولديه ايضا مشاعر طبيعية
لكن طريقة توجه الإنسان بعقله أو بمشاعره ليس لها علاقة بالله ولكن هذه تكتسب من خلال الظروف المحيطة وطريقة التكوين والتشكيل التي تربى بها الإنسان وأيضا من خلال المواقف والإحداث والصراعات التي يمر بها
من هنا وجب علينا نحن الأشخاص الناضجين والذين أولهم أنت (هذه ليست مجاملة بل إنك إنسانة واعية ومدركة لنوعية مشاعرك وصفاتك حقا)
إذن علينا أن نرصد تلك المشاعر ونواجهها بحسم وإصرار ومع الوقت ستفقد المشاعر قدرتها على توجيهنا في الحياة
هذا لا يعني أن نتجاهل المشاعر بل لنا كل الحق في التعبير بها وأن ننطق ونصرح بها أيضا ولكن لا ندعها تقود دفة الحياة خاصة إنها كثيرا ما تكون خادعة لأنها نابعة من القلب (والكتاب المقدس أوضح أن القلب خداع ونجيس من يفهمه)
أما بالنسبة لمخاوفك التي ذكرتيها ففي رأيي لا أرى أنها مخاوف صحيحة أبداً خاصة إنك أخذت إرشاد واضح من ربنا بخصوص خطيبك
إذن عليك أن تطمئني وتهدأي لأن الرب يضمن لك النجاح في علاقتك بشريك حياتك وخاصة إنك بتحبية جداً
ليس عليك سوى مقاومة هذه المخاوف والوسيلة الوحيدة للمقاومة هي ثقتك في قرارك بإختيار ربنا ليكي وكمان أنك تحبي خطيبك وبس
ده هيساعدك على الإطمئنان من ناحية المستقبل
متخافيش إنت مش لوحدك .. أبوك السماوي بيحبك ويهمه جداً سعادتك ونجاحك .. وتأكدي هو هيكون جنبك كل لحظة
هو قال (أعلمك وأرشدك الطريق التي تسلكها أنصحك عيني عليك)
وطالما ربنا فتح ليكي الطريق دي يبقا هو اللي هيقودك فيها بنجاح
ثقي في إلهك وإفرحي وإتهني بالحياة مع خطيبك عشان تختبري كل البركات اللي هتيجي عليكي إنت وخطيبك لإنك ماشية في خطة ربنا
أخيرا أحب أقولك إنت إنسانة رقيقة وتستحقي السعادة لأنك محبوبة الرب
الرب يباركك
| |
|
ابن الكنيسة + المسئول الاول عن المنتدى +
النوع : نوع المتصفح: : الجنسية : المهنة : الهوايات : تاريخ التسجيل : 11/08/2009 العمر : 34 المشاركات : 6101 معدل تقييم المستوى : 43 بمعدل : 13042 تاريخ الميلاد : 19/01/1990 الكنيسة او الابراشية : : الانبا تكلا بالزقازيق
| موضوع: رد: نفسى اعرف ايه السبب 9/11/2013, 12:55 am | |
| - JESUS LOVE You كتب:
أختي العزيزة .. إنت إنسانة حساسة ونقية جداً
واضح من كلامك إنك بتلاحظي نفسك بإستمرار في مشاعرك وكمان عند روح المقاومة لأي مشاعر خاطئة حتى لو أخدت منك وقت ومجهود
قبل ما أبدأ أتكلم بخصوص مخاوفك اللي ذكرتيها .. أحب أوضح لك جزء إنت ذكرتيه في كلامك
وهو إنك لما بتحسي بالمشاعر المتدفقة تجاه شخص ما بترجعي لربنا وتعاتبيه وتلوميه على المشاعر دي
عزيزتي.. الله خلق الإنسان على صورته بمعنى إنه كيان حر الإرادة ولديه العقل الواعي ولديه ايضا مشاعر طبيعية
لكن طريقة توجه الإنسان بعقله أو بمشاعره ليس لها علاقة بالله ولكن هذه تكتسب من خلال الظروف المحيطة وطريقة التكوين والتشكيل التي تربى بها الإنسان وأيضا من خلال المواقف والإحداث والصراعات التي يمر بها
من هنا وجب علينا نحن الأشخاص الناضجين والذين أولهم أنت (هذه ليست مجاملة بل إنك إنسانة واعية ومدركة لنوعية مشاعرك وصفاتك حقا)
إذن علينا أن نرصد تلك المشاعر ونواجهها بحسم وإصرار ومع الوقت ستفقد المشاعر قدرتها على توجيهنا في الحياة
هذا لا يعني أن نتجاهل المشاعر بل لنا كل الحق في التعبير بها وأن ننطق ونصرح بها أيضا ولكن لا ندعها تقود دفة الحياة خاصة إنها كثيرا ما تكون خادعة لأنها نابعة من القلب (والكتاب المقدس أوضح أن القلب خداع ونجيس من يفهمه)
أما بالنسبة لمخاوفك التي ذكرتيها ففي رأيي لا أرى أنها مخاوف صحيحة أبداً خاصة إنك أخذت إرشاد واضح من ربنا بخصوص خطيبك
إذن عليك أن تطمئني وتهدأي لأن الرب يضمن لك النجاح في علاقتك بشريك حياتك وخاصة إنك بتحبية جداً
ليس عليك سوى مقاومة هذه المخاوف والوسيلة الوحيدة للمقاومة هي ثقتك في قرارك بإختيار ربنا ليكي وكمان أنك تحبي خطيبك وبس
ده هيساعدك على الإطمئنان من ناحية المستقبل
متخافيش إنت مش لوحدك .. أبوك السماوي بيحبك ويهمه جداً سعادتك ونجاحك .. وتأكدي هو هيكون جنبك كل لحظة
هو قال (أعلمك وأرشدك الطريق التي تسلكها أنصحك عيني عليك)
وطالما ربنا فتح ليكي الطريق دي يبقا هو اللي هيقودك فيها بنجاح
ثقي في إلهك وإفرحي وإتهني بالحياة مع خطيبك عشان تختبري كل البركات اللي هتيجي عليكي إنت وخطيبك لإنك ماشية في خطة ربنا
أخيرا أحب أقولك إنت إنسانة رقيقة وتستحقي السعادة لأنك محبوبة الرب
الرب يباركك اعتقد ان دة افضل رد ربنا فتح ليكي الطريق دي يبقا هو اللي هيقودك فيها بنجاح | |
|