مشوارنا لسه طويل بقلم / أ- فرايم الانبا بيشوى

مشوارنا لسه طويل

بقلم أفرايم الانبا بيشوى

يارب ارحم وطن عليه الدموع بتسيل
والناس بتتخبط هنا وهناك شمال ويمين
الفقر والجهل والتعصب والمرض والآلم
تُكتب عليه اشعار وتتغنى عليه مووايل
وبدل ما الصعاب تجمعنا بقت تفرقنا،
وباسم الديمقراطيه بقينا نتقتل تقتيل
ولا رئيس نافع و لا مرؤوس عليه تعويل
ولا حكيم بنصغى لكلامه والعظيم بقى بيميل
يابلدى قلبى بينزف دم وبيبكى عليكى النيل
وثورتك عورة ومخطوفه ودم برئ بيسيل
عيونا مرفوعة وبتصلى احرس يارب وشيل
بلد التاريخ والحضارة سمعتها فى سواد النيل
نهارها مظلم وفيه صراع وليلها طويل، طويل
بقينا نتخبط واقتصادنا بينهار وكله بقى تمثيل
واللي يكفر التانى ويقول عليه دا بهلوان فى الليل
اللى فى ايده السلطة بقت سلطه وعايزه تتبيل
والقضاء بقى قدر وتاه منا النور والدليل
والتعليم تلقين وتخلفنا عن الامم فى الذيل
وبقينا بنرجع للوراء وبقينا بلد كله عليل
والمرض ينهش الكلى والقلوب وشفنا الويل
والفقر عجزنا وبنعانى ضنك ملهوش مثيل
مش بنعانى الجوع وعدم الامان وكفاية،
دا الوطن فى خطر وحيطة البيت بتقع وتميل
يا بلدى اصحى وفوقى وتخطى ظلام الليل
يا مسئول فوق ومتخليش حملك علينا ثقيل
ويا رجال البلد بتخرب ودى لازم نشيلها شيل
ادو العيش لخبازه والدستور ليه رجال قانون
مش كل من هب ودب بقى علينا خبير ودليل
وخلو القانون يسود مش غابه اسود ولا تمثيل
وارحمونا بقى او ترحلوا دا انتو هديتو الحيل
يا بلادى لمى اولادك دا مشوارنا لسه طويل
يا اهلى تعالوا الى كلمة سوا بلاش الفرقة والتأويل
نبنى الحضارة ونبقوا بين الامم منارة فى الليل
يا بلدى ضاعت سنين العمر وبقينا بدل ما نتقدم
نرجع سنين للوراء ولو مفقناش هنعانى الويل.

جامد جدا مرسى

نبنى الحضارة ونبقوا بين الامم منارة فى الليل
يا بلدى ضاعت سنين العمر وبقينا بدل ما نتقدم
نرجع سنين للوراء ولو مفقناش هنعانى الويل.

بدل ما الصعاب تجمعنا بقت تفرقنا

» ايام الامتحانات ((((بقلم الانبا موسي))))
» الانبا بيشوى يغيب عن عظه البابا للمره الثالثه على التوالى
» قداس من النادر ان تجده - قداس لابونا بيشوى الانبا بولا
» تـحت رعايـة الحـبر الجليـل الانبا مارتيروس تــقدم ( اوبريت ذهبـى الفـم ) لقداسة البابا المعظم الانبا شنودة الثالث لنخبة من المرنمين - على اكتر من سيرفر + رابط مباشر .
» من هو الانبا تكلا ؟ ولماذا منتدانا اسمة اجنحة النسور ؟ - قصة حياة الانبا تكلا هيمانوت الحبشى بالزقازيق - اجنحة النسور - على 14 سيرفر والمديا فير كمان .