ساعدونى

زائر

المشكلة انى زمان غلطت وانا صغيرة مع
ولد وكنت فى تالتة اعادادى وكان بيطلب منى اعمل حاجات وانا بسمع كلامة
وبيطلب منى مقولش لحد فضلت مخبية لغاية ماخلصت دراسة وكمان اب اعترافى
مكنتش قادرة احكيلة مش خوف منة ولكن علشان عارفة مفيش امل منى انا قولتلة
بس المشكلة انة مش فاكرنى لكثرة مشغولياتة وحصل بعد كدة كالاتى انا
اتقدملى كذا عريس ورفضتة ومش عارفة اعمل اية مع اهلى فى البيت ولا عارفة
اخلى ابونا يفهمنى كل ما اروح اقولة يقولى السامرية وكانت وكانت طيب خلاص
انا عرفت لكن اتصرف ازاى مع الناس الى بتيجى وتتقدم انا تعبانة بجد انا مش
عارفة بس عارفة انكم هتحسوا بيا ومدى تعبى انا ليا تسع سنين على الحال دة
وانا مش قادرة انسى الى فات ولا عارفة اخد قرار من الى جاى قلولى اعمل اية
احكى للعريس دة ولو بيحبنى هيقف جنبى ويعوضنى ولا ارفض واسيب البيت
والدنيا والى فيها انا مش عارفة ان كنت لسة بنت ولا لا ودا الى تاعبنى
اكتر يعنى ممكن اقول للعريس دة وميكنش فى حاجة يعنى انا زى ماانا اسفة جدا
انى طولت عليكم بس انا مليش غيركم انتم وربنا.

موضوع: رد: ساعدونى 27/10/2009, 3:23 am

انا حاسس بيكى وبالحيره والخوف اللى انتى فيهم لكن عاوز أقولك:
أولا بلاش اليأس اللى ف كلامك ده ربنا عنده الف حل ده غير انه
مستنيكى انك تطلبى منه هو المشوره وهتلاقى الأمور بتمشى بطريقه انتى ما
تتخيليهاش
ثانيا لازم أول حاجه تعمليها انك تريحى تفكيرك وتاخدى حد يكون عارف
الموضوع وتثقى فيه جدا وتروحى لدكتور بره بلدكم وتتأكدى انك لسه بنت
وبإذن ربنا خير لكن لاقدر الله وطلع غير كده لازم تقولى لأب إعترافك
النتيجه وتخليه يساعدك فى انك تقولى لمامتك وما تقوليش انها صعبه انتى
مهما عملتى انتى بنتها ما تخافيش وخليكى قويه ولازم تتحملى مسئولية الخطأ
ده اللى كان سبب جهل منك معلش ربنا هو الوحيد اللى يقدر يصلح لك غلطك
ثالثا أوعى تقول لخطيبك حاجه لانه حتى لو خد الموضوع بحكمه أكيد فى يوم من
الأيام هيفتكرهالك وهيبقى شاكك فيكى من أقل موقف تعمليه.فاهمانى؟ خطيبك من
حقه يعرف عنك كل حاجه من ساعة ما تتحط فى إيدك الدبله قبل كده هو مالوش
دعوه.
ربنا معاكى وأوعى تيأسى لأن ممكن كل ده يكون حرب من الشيطان ربنا قادر انه ينجيكى منها

موضوع: رد: ساعدونى 27/10/2009, 10:34 pm

طبعا الحل اكيد معروف حد تكوني بتثقي فيه وعلى الدكتور عدل وهو اكيد هيقولك على حالتك ابه بالظبط ولما تعرفي ابقي اعملي موضوع تاني وقولي ايه اللي حصل او النتيجه ايه عشان على حسب النتيجه هنقدر نفكر تعملي ايه ,,,,,,,, بوب

موضوع: رد: ساعدونى 28/10/2009, 8:04 pm

بصى يا أختى
بقالى يومين من ساعة ماقرأت مشكلتك وانا بافكر تتحل أزاى
اولا لازم تحكى لابونا وتفكريه بيكى وتقولى كل تفاصيل الموضوع
لو فهمك اكيد هيبعت خادمة متخصصة فى الخدمات دى تروح معاكى
لدكتورة وتطمنى وياريت يكون الدكتور مش فى مكان سكنك خالص واو ياريت يكون بعيد عنك اساسا لتلافى حدوث اى شىء
لكن لو حاسة ان ابونا من ضمن اباء كهنه كتير مشغولين وخايفة ان موضوعك يكبر على ايده
اكيد انت ليكى حد بتثقى فيه وعارف مشكلتك ومحافظ على سرك
لو كده خديه وروحى لدكتورة بره البلد واطمنى ومن هنا هتجى الخطوة التانية
لو كنتى كويسة وباذن يسوع هنصلى كلنا يكون مفيش حاجة يبقى خلاص اطمنتى وهتعيشى حياتك عادى
ولكن لو بعد الشر فى حاجة
لازم تقولى لاب اعترافك وهو اكيد ساعتها هيرشدك للطريق الصح الموضوع صدقينى ليه حل عنده ساعتها حلول طبيه او اى حل تانى
بس لازم تقولى لابونا كل التفاصيل عشان يعرف يساعدك
وطمنينى من فضلك
ومش تخافى صلى وربنا باذن يسوع هيقبل توبتك وهينجيكى من الضيقة دى
بص صلى كتير واحنا كمان كلنا بروح واحدة هنصلى من اجل نجاتك
ربنا يحافظ عليكى

موضوع: رد: ساعدونى 30/10/2009, 1:42 am

ربنا معاكى بجد ويارب يكون مفيش حاجة
وانشاء الله تطمنى انه مفيش حاجة لكن خلى عندك ايمان بربنا كبير انه يغفرلك
ولازم تقولى لابونا
وربنا معاكى
واحنا هنصلى ليكى وربنا يقدم الى فيه الخير