طريقة عمل الرقاق باللحمه المفرومه

كل سنه وانتم طيبين وبخير على طول
انهارده جبتلكم اكله يارب تعجبكم هى مش صيامى عشان خلاص الصيام خلص
على خير

المقادير:
-12 قطعه رقاق.
-1كيلو لحمه مفروم احمر.
-2بصله متوسطه مفرومه جيدا.
-ملح وفلفل اسمر حسب المذاق (2ملعه ملح صغيره,1ملعقه فلفل اسمر صغنونه برده).
-1ملعقه سمن بلدي او زبده صفراء كبيره +3ملعق زيت زره او عباد الشمس.
-1 ليتر شوربه ساخنه اي نوع شوربه.
>>>>صنيه مستديره لعمل الرقاق.

الطريقه بئي ايييييييه:
-الاول نعمل اللحمه المفرومه تتعصج وهقول ازاي نجيب البصله المفرومه تتزلها علي ملعقه سمن بلدي كبيره حتي تصبح لونها اصفر دهبي كده ماشي ونجيب كيلو اللحمه ونعد نقلب فيها ونحط الملح والفلفل معاها وبعدين ايه بئي يا حلوين نسيبها لحد متسوتي بتاع ربع ساعه بس .

--نجيب الصينية اللي هانعمل فيها الرقاق وندهنها بالسمن
-نسخن نوع الشوربه الموجود عندنا
-نمسك الرقاق و نغطس أول واحد في الشوربه من غير ما تلين و نحطها في الصينية و ندهنها بالسمنة أو نقطع عليها قطع صغيرة من الزبدة و بعدين نعمل طبقات تانية من الرقاق بنفس الطريقة حوالي 6طبقات و نفرد فوقه طبقة من اللحم المعصج و بعدين نحط فوقه طبقات تانية من الرقاق بنفس الطريقة ( نسقيه بالمرقة و نحطه و بعدين ندهنه بالسمنة) لحد ما نعمل برده 6 طبقات و ندهن الوش بالسمنة جيدا
-ندخله فرن متوسط الحرارة لحد ما يبقى دهبي .
وبالعافيه
تحياتي ملكت الحب

تسلم ايدك يااحلى طباخة فى الدنيا

ميرسى ياريس دا بس من زوقك

جامدااااا جداااا
وحلوه كمان
ميرسى يا قمر

ميرسى لمرورك الاجمل

» طريقة عمل الجرانيتة
» طريقة عمل حمص الشام
» طريقة عمل الترمس
» طريقة عمل المسقعة
» طريقة عمل الكنافة