christina.awad + المسئول التانى عن المنتدى +
النوع : نوع المتصفح: : الجنسية : المهنة : الهوايات : تاريخ التسجيل : 03/09/2009 المشاركات : 7214 معدل تقييم المستوى : 29 بمعدل : 8649 الكنيسة او الابراشية : : كنيسه العذرا وماريوحنا بالزقازيق
| موضوع: شوفوا الشباب بيقولوا ايه للبنات......هههههه.....!!! 28/1/2010, 3:53 pm | |
| طبعا احنا عارفين الاسطوانات المشروخه الى بيقولها الشباب للبنات
من غير زعل ياشباب ______________ 1-حبيبتى انتى عارفه انا مش بحب حركات الشباب الطايش انا اصلا مبكلمش بنات (وتلاقيه يعرف طوب الارض ) 2-يااااه ياحبيبتى انا حاسس انى اعرفك من زمان ( وهوا تلاقيه متلخبط بينها وبين بنت كان يعرفها قبل كده ) 3- حاسس ان فيكى حاجه غريبه غير كل البنات ( اكنها مثلا بتمشى على ايديها ورجليها ) 4- انا حاسس ان فى شبه كبير بين افكارى و افكارك احنا اكيد مخلوقين لبعض (اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه) 5- حبيبتى انتى اول حب فى حياتى وانا حاسس انى اتولدت يوم ماقبلتك (على أساس ان والدته كانت حامل فيه 20 سنه وولدته قبل مايقابلها بيومين ) 6- يااه يا حبيبتى انتى تؤمرى وانا انفذ اللى انتى عايزاه اجبهولك ( فى المشمش ) 7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير ( طبعا فاهمين الحركات دى تلاقيه مش عاجبه اساسا) 8- هكلم باباكى اول ماكًون نفسى (موووووووووووت يا حمااااااااااار ) 9- عايز اشوفك كل يوم كل ساعه كل ثانيه ( عشان اصحابه يتأكدو انها حلوه ) 10 - حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه ) 11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى ( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ) 12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل ( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ده لو عنده اصلا ) 13- ياحبيبتى انتى بتتكلمى فى أيه انا كل عطورى من فرنسا (اكيد فرنسا اسم محل جمب عم سيد البقال ) 14- ياه لما بشوف رقمك على الموبيل قلبى بيتنفض (طبعا من الخضه انها تكون فأسته) 15- فلان قالى اديله رقمك بس انا قلتله اقتلنى قبل ماتاخد رقها منى ( ياااااه على التضحيه وهى ياعينى رقمها مع مخاليق ربنا كلهم ) 16- حبيبتى عايز صورتك عشان قبل مانام اشاهد فى جمالك واحطها تحت المخده ( لا وهو الصادق عشان لما يتخانقو يهددها بيها ) 17- اسف يا حبيبتى امبارح مقدرتش اكلمك كنت مشغوووول فى المذاكره ( قصده معهوش فلوس او مشغول مع واحده تانيه ) 18- اسف يا حبيبتى انى مقدرتش اجى فى المعاد امبارح كان عندى ظروف صعبه ( معزور الولد افتكر معاد البنت التانيه اللى بقاله 3 اسابيع مأجله ) 19- عارفه يا حبيبتى انا طول الليل منمتش قاعد بفكر فيكى (بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )
20- عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش ( يقصد مش بيفتح البلوك عنها الا اما تكون هيا بس الى اون لين عنده )
21- حبيبتى انا ماستهلكيش ( يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )
22- انا بعمل كده علشانك انتى ( ايوه ماحنا عارفين باباها قالو لو ماسبتهاش هاحرمها من الميراث )
23- انا هاسيبك علشان مش عاوز اى حد يتكلم عليكى نص كلمه ( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )
24- انا مش عاوزك تزعلى مينى (يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )
25- انا هاهاجر ومش عارف هارجع امتى (طب ماتخدها معاك يامعلم ولا هيا حجج وخلاص)
26- أنا مانفعش ارتبط بواحده مشيت معاها ( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )
27- انتى احسن حد عرفته فى حياتى بس مش هاينفع نكمل ( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش )
28- انتى اكتر حد حبيته فى حياتى بس برده زى ماقولتلك مش هاينفع نكمل ( لا تعليق ) 29- حبيبتى انا اكتشفت ان مافيش مابينا حاجه متشابهه (لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه )
30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا ( لا ماهو واضح ) | |
|
ابن الكنيسة + المسئول الاول عن المنتدى +
النوع : نوع المتصفح: : الجنسية : المهنة : الهوايات : تاريخ التسجيل : 11/08/2009 العمر : 34 المشاركات : 6101 معدل تقييم المستوى : 43 بمعدل : 13042 تاريخ الميلاد : 19/01/1990 الكنيسة او الابراشية : : الانبا تكلا بالزقازيق
| |
™¤¦ابانوب عماد¦¤™
النوع : نوع المتصفح: : الجنسية : المهنة : الهوايات : تاريخ التسجيل : 02/09/2009 العمر : 32 المشاركات : 7907 معدل تقييم المستوى : 22 بمعدل : 8764 تاريخ الميلاد : 06/08/1991 الكنيسة او الابراشية : : كنيسة الملاك ميخائيل
| موضوع: رد: شوفوا الشباب بيقولوا ايه للبنات......هههههه.....!!! 29/1/2010, 10:57 pm | |
| حرام عليكم ده احنا غلابه ميرسي كتير ليكي موضوع جميل ومميز ,,,,,,,,, بوب | |
|
Mary Marmora
النوع : الجنسية : المهنة : الهوايات : تاريخ التسجيل : 02/09/2009 العمر : 32 المشاركات : 4109 معدل تقييم المستوى : 15 بمعدل : 4805 تاريخ الميلاد : 31/12/1991
| موضوع: رد: شوفوا الشباب بيقولوا ايه للبنات......هههههه.....!!! 29/1/2010, 11:14 pm | |
| ههههههههههههههههههه ايوه كده ياقمره جامد اوووووى يا ملكه
| |
|
M A R I A M
النوع : نوع المتصفح: : الجنسية : المهنة : الهوايات : تاريخ التسجيل : 09/10/2012 المشاركات : 324 معدل تقييم المستوى : -1 بمعدل : 423
| موضوع: رد: شوفوا الشباب بيقولوا ايه للبنات......هههههه.....!!! 10/8/2013, 12:53 am | |
| | |
|