قصيدة

الشاعر مفدي صليب
القــــــــصــــــيــدة
========================

ابليس مسافر في مكان بعيد عن البشر
سالتة لية
قلي القلوب بقيت حجر
في الدانيا في ازمة ضمير
قلت لة ياااااه
دة انت كذاب كبير
قلي لالالالالالالالالالالالا
زمان انا حاربت ناس كتير
منهم غني ومنهم فقير
بس خلاص نويت اعترف
وهكتب مذكراتي
وهعتكف
في اي قلاية او دير
اصل في ازمة ضمير

ابليس بقي زي كل الشباب عاطل
بيقعد علي القهاوي ويحكي ويماطل
بيمشي في الخير مش في الباطل
علشان يلاقي شغلانة
ويقتل الملل ويتذكر فيها ايام مكان
شيطان شاطر

قلتله دة انا شايفك في كل حتة
امبارح شوفت واحد قتل اخوة
علشان عباية لا جكتة
والشتيمة بسمعها في كل يوم
من خمسة ستة
والرشوة متعدش ياشوشو
والحقد كل يوم بشوفوا
حتي بين مينا ومتي

قالي انت اللي بتشوف الحقيقة بنص عين
قلها وهو مخنوق حزين
كل دة مش مني انا
دة فعالكم يا بني ادمين
واتصعب وقاااااال


ابليس بقي زي كل الشباب عاطل
بيقعد علي القهاوي ويحكي ويماطل
بيمشي في الخير مش في الباطل
علشان يلاقي شغلانة
ويقتل الملل ويتذكر فيها ايام مكان
شيطان شاطر

ولملم شنطته وكام ورقة من خطتة
وقالي اسالك الرحيل
قلتلة الي اين المصير ؟
قالي خلاص انا هنتحر
ما تيجي معايا وننتقل
خطوة بحطوة للسما
ضحكت انا
وفهمت الموضوع والمسألة
وطلب معونه من ربنا
ورشمت الصليب
فجئة اختفي
او انطفي
والنهاية شوفتها
ابليس عدو كل خير


بقلم
مفدي صليب

القصيدة بصوتي
http://www.4shared.com/file/213957187/22160108/___online.html

يارب تعجبكم يااخواتى اتمنى ان اعرف ارائكم

ميرسي ليكي على القصيده الجميله وكلامتها جميله
بس مين قال ان الشيطان مش لاقي شغل ده شغال ماشاء الله ,,,,,,,,, بوب

ههههههههههههههه......هنعمل ايه الشيطان مش عاجبه حاسس انه سوقه واقف اليومين دول وشغله قل عن الاول معلش خده على قد عقله