هامبورجر البطاطا بالبسلة والرز

هامبورجر البطاطا بالبسلة والرز

المقادير
- كوب رز أبيض.
- حبة بطاطا متوسطة الحجم مغسولة ومتقشرة ومتقطعة شرائح.
- كوب ونصف بسلة مسلوقة.
- رغيف خبز مقطع قطعاً صغيرة.
- معلقتين كمون.
- فص ثوم مفروم.
- معلقتين بقدونس مفروم.
- ملح وفلفل أسود مطحون.
- معلقتين زيت زيتون.
- صلصة حراقة أو "Hot sauce" "للتقديم".

الطريقة
1- اسلقي الرز عن طريق إنك تحطيه في ميه مغليّة فيها ملح لمدة 15 دقيقة أو لحد ما يبقى طري، وبعد كده صفيه من الميه كويس.

2- في الوقت
اللي الأرز بيتسلق فيه، اسلقي البطاطا في حلة فيها ميه مغلية وملح "لمدة
15 دقيقة أو لحد ما تطرى"، وبعد كده صفيها من الميه كويس.

3- أحضري
طبقاً كبيراً وحطي فيه البطاطا واهرسيها بالشوكة لغاية ما تبقى عجينة،
ضيفي إليها الأرز والبسلة وقطع الخبز والكمون والثوم والبقدونس والملح
والفلفل وقلبيهم مع بعض كويس.

4- ابدئي في تشكيل الخليط السابق على شكل أقراص تُشبه أقراص الهامبورجر.

5- سخني الزيت على النار كويس واقلي فيه أقراص الهامبورجر لمدة عشر دقائق، مع مراعاة التقليب من حين لآخر عشان يِحمر.

6- طلعيه من الزيت وحطيه في طبق التقديم وحطي معاه الصلصة الحارة، ممكن مع الطبق ده تعملي بطاطس محمرة.

ميرررررسى ياقمره
ربنا يعوضك

ميرسى ليكى وربنا يعوض تعب محبتك

ميرسي كتير على المواضيع الجميله ووحشنتنا مواضيعك حمدلله على السلامه
نورتينا تاني ,,,,,,,,, بوب

ميرسى يا بوب على مرورك الجميل