اوبريت ملناش غيرك ابداع جديد للشاعر رمزى بشارة جامد جدا - اكتر من سيرفر

اوبريت ملناش غيرك ابداع جديد للشاعر رمزى بشارة

الشاعر الفنان رمزى بشاره وأوبريت جديد بعنوان : ( مـــالـــنـــاش غـــيـــرك )
كلماتُه مُستوحاه من أول عِظه لقداسة البابا شنوده بعد أحداث نجع حمادى
ومن إجتماع الصلاه الذى عقده أبونا مكارى يونان
بعد جريمة نجع حمادى وكان يُصَلِّى ويصرُخ إلى الله بدموع ويقول : مالناش غيركَ

رافعينلك يا إلهنا صَلاه
مالناش غيرَك يا الله
وِعَشان إنتَ الحَق ضَرورى
العَدل هَيَاخُد مَجراه

لو حَقِّنا مَهضُوم أو ضاع
صَلَّح مِن تانى الأوضاع
بِدمُوع عيننا جينا تعيننا
مالناش غيرَك نِترَجَّاه

1-إشفى لنا قلوبنا المَكسُورَه
عَزِّى أى نفُوس مَقهُورَه
صَبَّرنا على إللى جَرى لنا
فى نَجع حَمَّادى وبَهجُورَه

أطفال لابسين لِبس جديد
راحوا يصلُّوا فـ ليلة العيد
مِن غير ذَنب إتقَتلوا يا عالَم
دَه يرضى مين وبإيه هَيفيد

2-وآدى أُم وحاضنه الصَّندُوق
بتقول لإبنها مالَك فُوق
جَهزت لك الأكل بإيدى
قُوم وإرجَع وَيَّايا ودُوق

لِبسَك مالُه الدَّم مَلاه
دَه أنا لِسَّه حالاً كَوياه
مالك ساكِت وما بِترُدِّش
صَعبانَه علىَّ يا وِلداه

3-دول سِتَّه غير الإصابات
قُولوا كفايه للعِصابات
أنا مِن حَقِّى أعيش بكرامتى
ويعيش فى سَلام الأقباط

سَلِّمنا أمرِنا فى إيديك
والظَّالِم سايبينُه عَليك
إحنا سامِحنا إللى ظَلمنا
إتصَرَّف زَى ما يرضيك

4-مش هَنقابِل نار بالنَّار
ولا عايزين ناخُد بالتَّار
عايزينك تيجى تعَزِّينا
وِتشيل مِنَّا أى مَرار

مابِتنعَسِّى ولا بِتنام
وكلامَك مش بَس كلام
قُلت مُبارك شَعبى فـ مَصر
إبعَت تانى لمَصر سلام

اختر سيرفر
Size: 7.68 MB
Click on link twice. (It will open in a new window).

RapidShare

Badongo

DepositFiles

zSHARE

Megaupload

صلو من اجل ضعفى انا الخاطى