سمعت عن الملايكة؟؟؟؟؟

سمعت عن الملايكة؟؟؟؟؟



هو الملايكة دول حقيقيين فعلا ً؟ لو كانوا حقيقيين زي ما بيقولوا، طيب هما بيعملوا إيه؟

الملايكة حقيقيين جدا ً! بس ثقافتنا مش مخليانا عارفين نتخيلهم صح.

الملايكة مش شوية أطفال مكلبظين طايرين في الهوا بجناحين، الحقيقة ينفع نقول عليهم القوات الخاصة بتاعة ربنا.
يعني كائنات قوية قوي – في ملوك الثاني 19 : 35، واحد منها قتل مئة ثمنية وخمسين ألف واحد من أعداء الله في ليلة واحدة!

(ده مش فيلم كارتون ولا فيلم أكشن، ده اللي حصل فعلا ً)

الملايكة بيطيعوا أوامر ربنا زي ما يكون قائدهم الحربي، بيحاربوا عشان يوسعوا مملكته، وبيحاربوا عشان يدافعوا عن شعبه

(ده اللي هوا احنا).


هقولك شوية حاجات أكتر عنهم:

1) الملايكة بيحمونا.

"لأنه يوصي ملائكته بك لكي يحفظوك في كل طرقك. على الأيدي يحملونك لئلا تصدم بحجر رجلك." (مزامير 91 : 11 ، 12)


2) الملايكة بيخدمونا.

"أليس جميعهم أرواحاً خادمة مرسلة للخدمة لأجل العتيدين أن يرثوا الخلاص." (عبرانيين1: 14)

زي ما خدموا يسوع، "ثم تركه إبليس وإذا ملائكة قد جاءت فصارت تخدمه." (متى 4 : 11)


3) الملايكة بيوصلولنا رسايل من ربنا.

"ولكن فيما هو متفكر في هذه الأمور إذا ملاك الرب قد ظهر له في حلم قائلاً يا يوسف ابن داود لا تخف أن تأخذ مريم امرأتك . لان الذي حبل به فيها هو من الروح القدس." (متى 1 : 20 – 24)
وكلم زكريا ومريم والمجوس وغيرهم كتير.
عشان تعرف أكتر اقرا لوقا 1 : 8 – 38.


الله بيعبتلنا اجابته على صلاتنا مع الملايكة. وهما بيحاربوا الشياطين اللي بتقف قدامهم. زي ما حصل مع دانيال بالضبط،
"فقال لي لا تخف يا دانيال لأنه من اليوم الأول الذي فيه جعلت قلبك للفهم ولإذلال نفسك قدام إلهك سمع كلامك وأنا أتيت لأجل كلامك.

ورئيس مملكة فارس وقف مقابلي واحداً وعشرين يوماً وهوذا ميخائيل واحد من الرؤساء الأولين جاء لإعانتي وأنا أبقيت هناك عند ملوك فارس. وجئت لأفهمك ما يصيب شعبك في الأيام الأخيرة لأن الرؤيا إلى أيام بعد." (دانيال 10 : 12 -14)،

رئيس مملكة فارس ده شيطان، وميخائيل ده رئيس الملاكية.
يعني الملايكة بيخدموا ربنا، وبيعملوا مشيئته، وبينفذوا أوامره: "باركوا الرب يا ملائكته المقتدرين قوة الفاعلين أمره عند سماع صوت كلامه. باركوا الرب يا جميع جنوده خدامه العاملين مرضاته." (مزامير 103 : 20 ، 21)

اعمل بحث لكلمة "ملائكة" في الكتاب المقدس. الملايكة بعملوا حاجات رائعة جداً طول الوقت عشان يمجدوا ربنا!
بالمناسبة، الملايكة عددها كبيــــــــر قوي:

"ونظرت وسمعت صوت ملائكة كثيرين حول العرش والحيوانات والشيوخ وكان عددهم ربوات ربوات وألوف ألوف."
(رؤية 5 : 11)

واحد من أسماء الله في الكتاب المقدس رب الجنود،

يعني الله هو قائد الملايكة وبياخدوا التعليمات منه.

مع اننا مش المفروض نصلي للملايكة، لكننا ينفع نصلي لربنا عشان يبعتلنا جنوده عشان يخدمونا ويساعدونا دايماً. مع إننا مش بنشوفهم، بس هما حوالينا بيعملوا مشيئة ربنا وبيخدمونا!
عرفت مين هما الملايكة؟!!!

ربنا يعوض تعبك ياجميل مرسى كتير

ميرسي كتير على الموضوع الرااااائع ومجهود مميز ربنا يعوض تعب محبتك
,,,,,,,, بوب

مجهود مميز ربنا يعوض تعب محبتك