تبولة شامى علشان الصيام

--------------------------------------------------------------------------------
ازيكم؟ بمناسبة الصيام (هو ابتدا من زماااااااااااااااااااان بس لسه باقى كتيييييييييييير) قررت انى اجيب لكم ظريقة عمل سلطة وزى ما انتوا عارفين السلطة مفيدة و بتشبع لاننا فى الصيام ما بنشبعش ابدا من الاكل انما لو اكلنا سلطة مع الاكل او قبله او بين الوجبات هتبقى مفيدة قوى لينا

التبولة
المكونات:
2ربطة بقدونس+2طماطم متوسطة+4ملاعق صغيرة برغل+بصلة صغيرة +زيت زيتون(او عادي) + نعناع ناشف+2ليمون+ملح
الطريقة:
1- ننقع البرغل فى مية ونسيبه لغاية ما يبقى طرى لما ناكله يعنى حوالى ربع ساعة وبعدين نشيله من المية ونعصره بايدينا كويس لغاية ما يبقاش فيه مية خالص
2- (وهى دى اهم خطوة لنجاح التبولة) نرتب البقدونس بحيث كل السيقان تبقى مع بعض وكل الورق فوق مع بعضه وبعدين طبعا نقطع السيقان ونرميها وبعدين نقطع البقدونس صغير جدا جدا جدا يعنى اكبر حتة فيه نص سمxنص سم وننقعه فى طبق غويط ومعاه ملح او خل (ليه؟ لان زى ما انتم عارفين الخضار لو ما اتغسلش كويس يجيب امراض زى الاميبا وانا مش عايزاكم تدونى رأيكم وانتوا فى المستشفى وبتدعوا على
واحسن اننا نغسل اى خضار بالخل او الملح )وبعدين نسيب البقدونس المتقطع منقوع فى الطبق الغويط
3- نجيب الطماطم و نقطعها صغير ازاى؟ نقطعها شرائح يعنى حوالى 5 او 6 شرائح وبعدين نقطعها بالطول والعرض فتبقى حتت صغيرة خالص
4-نقطع البصلة برضه صغير جدا ازاى؟؟ نقطعه شرائح رفيعة جدا ونقطعها زى الطماطم بالطول والعرض هتبقى برضه حتت صغيرة قوى
5- نشيل البقدونس من المية (مش نصفيه انما نشيله بايدينا علشان الطين اللى اترسب تحت ما يطلعش معانا ونرمى باقى المية ) ونعصره بايدينا علشان نصفيه خالص برضه من المية ونحطه فى طبق غويط
6- نحط فوقه البرغل والطماطم المتقطعة والبصل
7- نعصر فوقه الليمون والملح والزيت والنعناع واحيانا بيحطوا نص ملعقة صلصة بس مش ضرورى وبعدين نخلطهم سوا لغاية ما يتجانسوا و يتشرب كل حاجة
8-نجيب طيق التقديم ونحط فى ارضيته خس نضيف طبعا ومغسول زى ما اتفقنا بالخل او الملح ليه؟ علشان زى ما اتفقنا ما تدعوش على وبعدين نحط فوقه اللى عملناه فى الخطوة رقم 6 و........................

بالهنا والشفا قولوا لى بالنتيجة
على فكرة الطريقة مجربة مليون مرة ما تقلقوش

جميلة جدا ربنا يعوض تعبك ياجميل

ميرسي يا ملكه مجهود مميز ربنا يعوض تعب محبتك ,,,,,,,,,, بوب

ابن الملك كتب:

جميلة جدا ربنا يعوض تعبك ياجميل

ميرسى ياريس على مرورك الجميل

ابانوب عماد كتب:

ميرسي يا ملكه مجهود مميز ربنا يعوض تعب محبتك ,,,,,,,,,, بوب

ميرسى يابوب لمرورك الجميل