أشفى ودانى

أنا مش سامِع حاجه
صُوتَك واطى وَللا أنا سَمَعى تقِيل ؟
أيوَه أنا شَكلى بَقيت يا إلَهى أصَم
أصلَك ياما ناديتنى وعَلِّيت صُوتَك
وأنا باأسمَع وباأقَسِّى فـ قَلبى وَلا باأهتَم
وإكمِنَّك بِتحِبِّنى ياما حاولت معايا لَكن مانفِعش
تيجى تجيبنى لكن ما إتجابش
وِتادِّبنى مابَتأَدِّبش
إنتَ عايزنى أكون فَرحان بَس أنا عايز أشيل الهَم
إنتَ سامِعنى ؟ إنتَ معايا
يِظهَر إنى خلاص مابَقيتشى أمَيِّز صُوتَك
مِن كُتر الأصوات جُوَّايا
وبَقيت أسمع صُوت مش صُوتَك وَأفتِكرُه صُوتَك وأتخَم
إشفى ودانى
عايز أسمَع صُوتَك تانى
جايلَك مِتبَعتَر لَملِمنى
وَأوعِدَك إنِّى خلاص هاأتلَم

رمزى بشاره

مرسى على الترنيمة الجميلة دة ربنا يبارك حياتك

ميرسي كتير ليكي يا روزي وربنا يعوض تعب محبتك ,,,,,,,,,,, بوب

مرسى اووووووووووووووووووووى يااحلى روز على الحاجات الجميلة دى
ربنا يعوضك