ما تيجي نحسبها

ما تيجى نحسبها مع بعض

انا بشتغل ب 500 جنيه فى الشهر والمصاريف نحاول نمسك ايدنا شوية ونخليها
200 جنيه مصاريف ونوفر 300 جنيه يبقى فى السنه هنوفر 3600 جنيه يبقى فى خمس
سنين معانا 18000 جنيه طيب انا عندى 24 سنة علشان اكمل 20 الف جنيه عاوز
اشتغل حوالى 6 سنين اوكى
طيب الشقة موجودة عايزة تشطيب قول بخمسة وجهاز ب 15 يبقى كده العشرين الف
طيب وباقى مصاريف الفرح من شبكة واجهزة و...... و....... و........
لا دى كده الحكاية خرمت اوى
طبعا كلكم مستغربين ايه الكلام ده انا هقولكم
دايما فى حياتنا كلنا وانا واحد منكم طبعا نيجى كل يوم تقريبا وبالورقة
والقلم ونحسب الحاجات دى
مصاريف الجواز وميزنية العيد الكحك والكيك والملابس و و و
واحيانا بتاخد مننا هذه الحسابات وقت كبير
طيب حد فكر فينا انه يجيب ورقة وقلم ويكتب فيها كده
انا كدبت وحلفت وشتمت واتكلمت بكلام مش كويس على فلان و.......
و........... و...................
وقال لا ده كده انا حسابى تقل اوى عند ربنا لا لازم اشوف حل
لو اعترفت ممكن احاول امسك لسانى عن الشتيمة واحاول انساه خالص وكل ماجى
اشتم افتكر الورقة والقلم واقول انا حسابى ومزنيتى تقلت اوى عند ربنا وانا
حسابى تقيل اساسا
ليه مابنعملش كده هل هو اهتماما بالماديات اكتر
ولا بنتكسف من نفسنا اننا ممكن نلاقى واحنا بنكتب الحاجات الغلط اللى
بنعملها كتيرة جدا لدرجة انها ممكن تملا الورقة ومنلقيش مكان نكتب فيه
ولا هى الا مبالاة ولا السلبية ولا ولا ولا ولا ايه بالظبط
ممكن نعمل كده ولا انا اللى خيالى واسع
مستنى تعليقاتكم

ميرسي كتير يا بوب ربنا يعوض تعب محبتك مجهود مميز منك

ميرسي كتير لمرورك الجميل مينا باشا ,,,,, بوب

ميرسى ياقمر على تعب محبتك الجميل والموضوع اكتر من رائع

ميرسي كتير يا ملكه يا قمر على مرورك الجميل ,,,,, بوب