كدبة اسمها الحب

بصراحة مش عارفة ابدا الموضوع منين
الموضوع مؤلم جدا
وصعب وسبب اوجاع كتير لاغلب الناس ده لو مش كان كلهم

الحب فعلا كدبة
كبيرة ويمكن اكبر كدبة في حياتنا
الانسان بيختلقها
حوليه ويعيش فيها ويفضل يوهم نفسه بيها كتير
ولما يفوق من
الكابوس اقصد الكدبة دي
وينزل علي ارض
الواقع
يبدأ في مرحلة
الصدمة اللي تاخده في دوامة كبيرة
ومحدش بيعرف
هتنتهي امتي ولا ازاي
زيه زي الغريق في
وسط البحر
مش عارف هيوصل
لبر الامان امتي
لانه اساسا مش
شايف بر الامان ده
ومش لاقي القشاية
اللي يتعلق فيها علشان توصله لبر الامان
وموجة توديه
وموجة تجيبه
تفتكروا دي حياة
؟!!!

طب ليه من الاول
تعيش جوه الوهم ده ؟
ليه تجرح نفسك
بايدك ؟
ليه كل واحد فينا
بيجري ورا الحب ؟
ليه مش بتسيب
الحب يجري وراك ؟

في ناس بتقول ولا
اللي بيحب مرتاح ولا اللي مش بيحب مرتاح
وده فعلا صح
لان اللي بيحب
بيكون جواه نار الغيرة والقلق وخوفه اصلا اذا كان هيكمل مع اللي بيحبه بقية
عمره ولا لا
اما اللي مش بيحب
بيكون جواه نار الوحدة وانه نفسه يلاقي نصه التاني اللي يبادله كل المشاعر
الجميلة
بس لو فكرتوا
شوية هتلاقوا نار اللي من غير حب اهون بكتير من نار اللي بيحب
ده يكفي تفكيره
وقلقه اذا كان هيكمل مع اللي بيحبه بقية عمره ولا لا
ويالهوي لو انتهي
بصدمة وكل طرف راح لحاله

هو الموضوع مطروح
للمناقشة
بس نصيحتي لكل
بنت اقفلي علي قلبك ومش تسمحي لاي حد يدخله
خليكي زي التفاحة
الجميلة اللي كله يتمني الوصول ليها بس مش عارف
لان صدقيني اول
ما يوصل ليكي هيزهق منك ويرميكي ويدور علي تفاحة تانية تشد نظره
كده كده مش
هتاخدي غير نصيبك اللي ربنا قسمه ليكي
ليه تتعبي قلبك
علي الفاضي ؟

ده رأي الشخصي
وممكن يكون صح وممكن يكون غلط
احب برده اسمع
رأيكم ......

ميرسى كتير لتعبك الجميل

ميرسي كتير مجهود اكتر من رائع ربنا يعوض تعب محبتك ,,,,,,,, بوب