اعجبة العذراءمع فتاة غير مسيحية

أعجوبة من الأعاجيب ترويها لنا الأخت نادين حسن هدبا من قرية أبو داليا شرقي قرية زيدل التابعة لمدينة حمص وقد إلتقطنا بعض الصور وسجلنا الحديث بالكامل وأحببنا أن نكتبها لكم كما تحدثت وبنفس التفاصيل ونتمنى من السيد المسيح والعذراء مريم التي هي أم لكل البشرية ولا فرق بين مسلم ومسيحي بل هي لكل مؤمن بالله عز وجل أن تتشفع لنا ونطلب منها أن تشفينا من أمراضنا وتساعدنا .....
حضور السيدة العذراء لـــــــــــــ (نادين )
لقد صرحت الأخت نادين لموقع محبة زيدل أعجوبتها
لدينا ارض وبينما كنت أعمل مع أهلي في الأرض كان أهلي بجنب وأنا كنت بجنب آخر رأيت أمامي
أمرئة قبيحة الشكل بشعت ولكنها تلبس ثياب بيض جاي عم تهددني بالقتل إذا برجع على البيت بتقتلني من أثر الفزعة خرجت خارج البيت وخفت وعندها لقحقوني أهلي وجابوني فقت ثاني يوم على أثر الصدمه مشلوله شلل كامل أيدي مع رجليي لساني مبلوع للداخل مابغدر انطق فاقده ذاكرتها مابعرف أحد أهلي ضيعتهم أخوتي ..
أخذوا أهلي يدوروني على مشايخ ودكاتره في عندنا بالضيعه مقام الشيخ محمد العجمي عم نزور فيه نزلنا مشي قعدنا جنب المقام نعست وكأني نايمه وغير نايمه حسيت كأنوا ضوء جاي من بعيد كل مقرب بيكبر بيتوضح حتى أقترب إلى امامي وتوضح وإذا صورة العذراء مريم أمامي نور أبيض على جنابها أطفال صغار لهم جوانح شعرهم ذهبي تواج على رأسهم وانا فاقدة الذاكرته مابعرف شي حتى ماعرفتها حتى هي عرفتني بحالها قالت لي أنا مريم العذراء أم النور وقت هي حكتني أنا مابنطق وقتها نطقت قلتلها يعذرا تشفيني قالت لي أنا جاي لأشفيكي حكيها وانا عم حكيها بتروحي متى مابدك على دير مار الياس علمتني الصلاة كيف أرسم الصليب أخذتني على المقام الذي في الدير وانا ونايمي أرجتني أياه وقالت لي أنت عندك قوني بالبيت بتعلقيها برقبتك وبتحتفظي بها وتحتها الصليب ويدهاا وضعتها على راسي والنور فات بعيني كله هون فقت وقلة لهم كذا كذا …. بدنا نطلع على الدير مثل ماطلبت مني ولكن ماتتيسر معنى الطلعه نحاول ماتتيسر … مرة فترة أسبوع شفت بالمنام واقفه أنا وخوري وراه واقفه راهبي بس مابعرف وين بمقام أو دير ….. الخوري دقنه كبيره بيضه لابس طرحه على راسه ولونها أبيض بيده صليب صغير قرب لعندي وصلب على وجهي وبدو يحطوه على كتفي الراهبي التي وراه مثل عارضته مابدها يحطوه على كتفي صاحتلو بأسمه أبونا إليان إيلي أنا ما فهمت شي بإده الثانيه رفعها لفوق مثل سكتها ورجع حطلي الصليب على كتفي بيده مثل سيف عكازه جرح على صدري ورسم الصليب وهون فقت ماعد شفنه أنا مشعرت وقت حط الصليب لكن وقت جرحني فقت ثاني يوم حكيت لأهلي الذي صار قلت لأمي عم يوجعني الجرح قالت أي جرح حكيتلها الذي صار كشفت عن صدري وإذا رسمت الصليب وجرح مجروح على الطول حد الصليب ولكن كل مابدنا نطلع ماتتيسر ولكن ضليت مشلوله لكن نطقي صعب شوي يعني الكلمه ردده مرتين لحتى يفهموا علي مر أسبوعين شفت حالي رايحين على الدير أنا وأبي وأمي ووجدنا الصلاة في الدير وقفنى على جنب وقتها إلتفت الخوري الذي في الدير اطلع فينا ودقر ورجع كفى الصلاة خلصة الصلاة وطلعة العالم أطلع بابي وقال له قربه لعندي قربني لعنده وقال أوريد أن أرى هلي بكتفك نحن هون استغربنا أنه مين قله على الموضوع نحن لسع ما قلناله قمت فرجيته اياه قرأ على راسي صلاة في بحده جرن فيه مي نضيفه قام وطاه راسي وبلش يكت الماء على راسي حس حالي رح أختنق أرجع راسي وهو يرجع يوطي راسي ويكفت الماء وأشار لي على مكان محدد روحي جلسي هناك وصلي أنت بتعرفي تصلي قعدة وصليت بس مابذكر شو قلت بس مثل كأنه طول عمري بصلي وبعرف أحكي وقال لي كل نهار صلي أنت بتعرفي تصلي لاتنسي قلت له نعم سوف أباشر بالصلاة وقت طلعنا من الدير أختف كل شي أمامي وفقت ماعد شفت شي ثاني يوم نوينا الذهاب للدير ماتيسرة وقتها نسيت كل شي القرأة الكتابه أنا كنت عم قدم تاسع وقت حضرة العذرا تحسنت القرأة والكتابه صرت أعرف أقرأ أهجي الكلام شوي شوي في عنا أنجيل في البيت يوميا ً أقرء فيه أقرأ في الليل ضل للساعه الثانية آخر ظهور للعذراء كنت عم أقرء في الإنجيل راكي راسي على الحيط مثل نعست صارت الساعة الثانية غفيت وبعدها نقزت جيت بدي طبقه للأنجيل وحطه في مكانه وقبل ماطبقه وإذا صورتها أمامي على الصفحتين خفت طبقه قمت وضعته أمامي قلت لها دخيلك ياعذرا شفتك امامي والله في المنام حدي أخواتي ولكن أنا فايقه حسيت انه أنا فايقه مش نايمه صليت لها وطلبت منها وأنا عم حكي الصورة دخيلك ياعذره وعدتيني أنك تشفيني وماشفيتيني بخجل وقت بيجوا رفقاتي ما بستقبلهم بخجل من جيراني بيقوا لي يالله شدي همتك دخيلك ياعذراه نطقت مش الصور لكن صوتها في إذني قالت لي أنا رح اشفيكي ورح أشفيكي وبكره الصبح رح تفيقي عم تمشي لحالك بين اهلك لكن مشيتك مش رح تكون نظاميه ولكن لن تستطيعين الركض وأنت هلق مش مكتمله عقلين وهنا العذراء وبيدها ريشه رسمة الصليب على كتفي الأيسر وتحته ثلاثة أشارات أب وأبن وروح قدس وقالت هذه الأشاره مارح تظهر الأن تروحي الأسبوع الجاي قبل الصلاة بيوم على دير مار الياس كان الحكي يوم الأثنين مصباح الثلاثة بتروحي السبت بتنامي وبتفيقي الأحد مكتملي عقليا ً ومشيتك كامله ركيض فيك تركضي وبتظهر الأشارة في قلب الصلاة يوم الأحد تشعري فيها لكن مابتخلي أي أحد يلمسها وقالت لي المنام الذي شفتيه الخوري عم يحط الصليب وبقلب الدير عم يكب مي على راسك هذا مو منام هذه حقيقه وواقع هذا مرسلين لكي لكن لو أنت مأمني وماشي بالطريق كنت رتحتي من زمان قالت لي هذه آخر فرصة لك رح تكون عبره من أعتبر وبلشت الصورة تختفي من أمامي وهكذا الصبح بدأت عم أمشي مش مشي نظاميه مثل الرجل الألي نقل والحمد الله وقفت على رجلي نوينا السبت طلعنا كان يومه 25 الشهر كان عيد البشاره ورحت لهنيك مثل ما طلبة مني ونمت وثاني يوم عندما إستيقظت ماظهرة العلامه كشفو على كتفي ماظهرة وهي قالت لي مارح تظهر غير يوم الأحد في دير ماالياس نمت السبت وفقت يوم الأحد نشيطه مباشرتا ً ظهرة لي الذاكرة نشيطه وتذكرة كل شي تمام تذكرة المدرسات الذي درسوني ونحن عم نصلي الأب غدير واقفي حده مافي شي نصف ساعه شعرة كأنه شي واحد وضع أضافيره كبار مسك الجلد وشدها للخارج من شدة الوجع مسكت يدي فوق الوجع وشديت ماعد أغدر وقف على رجلي وقعدت بالأرض وهنا الأب غدير ختم الصلاة كشف على كتفي وإذا إشارة الصليب وتحتها ثلاثة إشارات وفعلا ً كنت عبره للناس .
وبعد مدة قصيرة
كان يوم الثلاثاء كنت جالسي في البيت مع أهلي ومجموعة من الناس سهرانين لحوالي الساعة 11 ليلا ً وقت راحوا العالم كان أخواتي نايمين في البيت مافي الإ أنا وأبي وأمي فايقين نام والدي وبقية أنا وأمي وكنت في المطبخ عم أغسل الجليات وأمي بجانبي سمعت واحد عم يصرخلي عم يصيح يانادين يانادين مقابل المجله شباك مطل للخارج مين بهل الوقت بدوا يناديني الساعة 12 وين بهل وقت بدو ينادي وليش وكان الليل عتم تكرر النداء أكثر من مره خرجت ماشفت حدا وصلت لدرجه أمي خافت تقول لي شو عم تتخيليها معقول رجع حدا من العالم مافكرنا بالموضوع رحت لنام وقت أنا بنام بضوي شمعه للعذرا وبنام صليت وقعدت بالفرشه مانمت ضليت شي نصف ساعه قاعده مانمت بعدها سمعت صوت بكي ماهتميت قلت اكيد عم أتخيل قمت لحتى أشرب فتحت باب المطبخ سمعت صوت بكي وهل صوت واضح أنا بالحاله العاديه بخاف لأننا عايشين في البريه في هل الحظة تذكرة قول العذرا خلي أيمانك بالله كبير وأيمانك قوي طلعت من الجهة الجنوبيه مافي حدى من الجهة الشمالية كمان مافي حدى تطلعت على الدرج في طفل قاعد على ثالث درجه وعم يبكي أنا خايفه ومابعرف كيف طلعت وشلون رجلي جروني مابعرف وقت هلي قربت نحوه قلت له مين أنت ياحباب تطلع بي وقال لي الله يخليكي جوعان لفيلي سندويشه قلت له تكرم دخلت عملت له سندويشه وطلعت لعنده وأعطيته إياها ويديه كلها تراب ووحل قلت له لا تاكل فايتي جيب مي لغسل لك أيدك هلي بيطلع بالطفل الدنيا ليل ولكن الطفل كأنه واقف مقابيل الشمس والضوء من وراه فت لجيب مي مشان غسل يداه وقت طلعت مالقيته خلال ثواني مافت وطلعت ما لقيته أنا هون خفت بلشت أناديه وين ياحباب وينك مين أنت لكن طلع صوت من أمامي وظهر أمامي شكل بدون هيكل عم يحكيني كان الجو برد وعم تشتي كنت لبسه كنزتين كنزه خق والثانيه حفر قال لي الكنزه هلي معك مديها طلعت على الكنزيه قال لي أي هي مديتها بلا شعور شلحت الكنزه ومديتها امامه مسك شيء وكبه على الكنزه أنا هون خفت قال لي هذول بركه من تحت رجلين سيدنا يسوع المسيح قلت له هذول شو بعمل فيهم قال بتتباركي فيهم وبتزيديهم نصف كيلو ملح يود وقال ما بتخلي حده يلقهم بيده مين من طلب تعطيه ما بتردي حدا بس قد مابتشيلي بتردي مكانهم ملح يود يعني شلتي ملعقه برتدي ملقعة ملح يود بس بشرط ماحدا بيلقهم بيده على الخالص هون على السريع ضبيت الكنزه على السريع طلع صوت منه لسعك واقفه هون يالله روحي قات له مين أنت هون أختفى ماعد طلع صوته على السريع فت على البيت تركتهم للصبح مثل ماهني بقلب الكنزه ثاني يوم قلت صار معي كذا .... قمت نقلتهم على كيس وخلطهم بملح يود وهلق صار في ناس أخذه منه كثير ....
أعجوبة من الأعاجيب التي تحصل وكها حتى نؤمن ونعترف بوجود الله تعالى وهنا نلاحظ بأن أمنا العذراء في كل مرة تذكرنا وتنبهنا للإيمان بالله والإعتراف به .
فلنصلي لله في كل حين ونطلب من السيد المسيح وبشفاعة أمه الطاهرة مريم أن تشفي جميع المرضى وتتشفع لنا عند إبنها الحبيب سيدنا يسوع المسيح ..