شخابيط .. بلا صدى !!!!

يمكن تستغربوا من العنوان اللى اخترته لموضوعى ولكن أكيد فى سبب
السبب ان الموضوع ده هنخصصه للفضفضه بس فضفضه من نوع خاص
يعنى مش هتكون المشاركات تعليق او رد على الموضوع الاساسى لانه مش هيكون فى موضوع ثابت
حاجه كده شكل الخواطر وتفريغ الافكار اليوميه لكن مش هتكون خواطر شخصيه ولكن هنتكلم عن حاجات عامه .
مشاكل عامه أو احداث بنمر بيها أو او او زى ما تحبوووووووووا
يا رب الفكره توصلكم وتعجبكم ونشوف مشاركات ايجابيه لفضفضه تهمنا كلنا .. صحيح هى هتكون بلا صدى يعنى ممكن تكون مجرد كلام بدون تقديم حلول حقيقيه لاى مشكله هنتكلم عنها بس اهى فضفضه وساعات الفضفضه بتريح .
هحاول أمر يومياً وافضفض معاكوا ويا ريت الكل يشارك بس أهم حاجه وأحنا بنفضفض مع بعضنا مننساش القوانين
ممنوع سياسه .. ممنوع كلام طائفى .
تحياتى

أول حاجه أحب أبتدى بيها هى اللى بيحصلنا اليومين دول فى مصر
كل يوم احداث اضطهاد جديده باشكال مختلفه .. خطف بنات واسلمتهم او تلاكيك لاى مشكله ولو عاديه لتفريغ شحنات غضب مكبوت ضد الاقباط وبنشوف مشكله عاديه وهى بتتحول لاحداث شغب من ضرب وسرقة اموال وحرق واعتداء على كنائس وبيوت ووممتلكات اقباط .
أحياناً بشوف ردود من شباب مسيحى بيتهموا الاقباط بالسلبيه فى التعامل مع المشاكل دى وبيطالبوا برد عنيف لاننا مش ضعفا فبستغرب جدااااا
هو المطلوب مننا نطلع بسلاح وشوم وناخد حقنا بايدينا والا نكون سلبيين .. طيب وقتها هيكون ايه الفرق بيننا وبينهم وبرضه مقلتش نقعد ساكتين نتفرج وخلاص .
أكيد فى حل
من عندك بقى يا رب

sally roka كتب:

أول حاجه أحب أبتدى بيها هى اللى بيحصلنا اليومين دول فى مصر
كل يوم احداث اضطهاد جديده باشكال مختلفه .. خطف بنات واسلمتهم او تلاكيك لاى مشكله ولو عاديه لتفريغ شحنات غضب مكبوت ضد الاقباط وبنشوف مشكله عاديه وهى بتتحول لاحداث شغب من ضرب وسرقة اموال وحرق واعتداء على كنائس وبيوت ووممتلكات اقباط .
أحياناً بشوف ردود من شباب مسيحى بيتهموا الاقباط بالسلبيه فى التعامل مع المشاكل دى وبيطالبوا برد عنيف لاننا مش ضعفا فبستغرب جدااااا
هو المطلوب مننا نطلع بسلاح وشوم وناخد حقنا بايدينا والا نكون سلبيين .. طيب وقتها هيكون ايه الفرق بيننا وبينهم وبرضه مقلتش نقعد ساكتين نتفرج وخلاص .
أكيد فى حل
من عندك بقى يا رب

أولا كما تعودنا موضوع جميل وفيه تنفيس وجدانى

أننى أرى

الحكمه ليست سلبيه أنا ممكن أتهور وأعمل مظاهرات ومشاكل فأتسبب فى قتل الكثيرين

وصاحب الرأى أن هذا سلبيه

لازم يراجع الكتاب

الرب يدافع عنكم

عينى عليكم من أول السنه لآخرها

من يمسكم يمس حدقه عينه

لكن السؤال هنا .؟ لماذا الرب يسمح بذلك ولماذا يتركنا ؟

الرب بيجرب أيماننا . زى ما جرب دانيال

بيشوفنا هنتحمل . هنتمسك
أم سنضعف

وآيه بحبها جدا

قاتل يارب مقاتلى . خاصم مخاصمى أمسك مجنا وترسا ودافع عنى

لما يكون الأنسان مع ربنا ويقول الآيه دى
يا سلام

وأنا ذقت تجارب لم يتحملها بشر
لدرجه أننى بكيت وقلت له ليه يارب سايبنى

لكنى عرفت أن ده عدم أيمان منى

تمسكت أكثر بالأعتراف والتناول

وزادت مع ذلك مشاكلى

لا تتعجبوا ربنا لسه بيختبرنى
بيجربنى
لكن تجارب الرب جميله

وفيها الفرح والسلام فى النهايه
لكن بالصبر والصلاه

مراره الرب أحلى من الشهد

موضوع مميز جدا

واعتذر للأطاله
( فضفضه )

موضوعك جميل يا سالى يمكن الواحد لما يفضفض بيرتاح من الضغوط المحيطة بيه من كل الجوانب كملت كمان بالامراض اللى انتشرت ومش معروف لها علاج يمكن دة اللى قال لنا عنه السيد المسيح امراض واوبئة وهذه كلها مبتدئ الاوجاع ربنا يرحمنا ويحافظ على شعبه