ياريت الاقي الحل

مساء الخير عليكم يا جماعه
اولا انا عضو معاكم هنا في المنتدى بس مش حبيت اعمل الموضوع باسمي
اخليه باسم زائر يكون افضل
هو طبعا الريس الكبير والمدير العام هيقدروا بكل سهوله يعرفوا انا مين
عن طريق رقم الاي بي بس انا بستأزنهم انهم مش يقولوا انا مين


الموضوع يا جماعه اني بحب واحده جدا جدا جدا
وهي كمان بتحبني جدا جدا جدا
المشكله في حاجه انها دايما مش بتحسسني بقيمتي يعني ممكن مش تبين شوقها ليا او لو وحشتها ممكن مش تقول او لو حصل خلاف بينا عادي ولا تتصل ولا تعمل اكتر حاجه ممكن تعملها انها تعتزر ولمره واحده بس مش بتحاول انها تراضيني مع انه لو حصل والمشكله كبرت شويه بلاحظ عليها التعب وتأثير ده عليها بس هي مش بترضى تبان ضعيفه قصادي

بتحب اني دايما اتحايل عليها في كل كبيره وصغيره مع ان ده مش كويس ممكن يكون بيقلل من كرامتي
بمعنى اصح نقدر نقول انها مش بتبكي على حاجه يعني توصل لدرجه اننا ممكن نسيب بعض عشان بس شويه كبرياء عندها يمنعها عن الاعتزار
وكتير كنت بسامح بس بجد يا جماعه تعبت اوي ومش قادر استحمل تاني

مش بتحسسني انها صعب تعيش من غير والكلام ده ليه مش عارف !!!!!
الناس عندها كلهم زي بعضيهم مش بتحسسني بالفرق بيني وبين غيري


ياريت اكون عرفت اعبر عن اللي جوايا ليكم
لان بجد مفيش حد هيساعدني زيكم لانكم بجد اخواتي
وياريت الاهتمام يا جماعه ومتابعه الموضوع حتى بعد الرد
لاني ممكن اتناقش مع صاحب الرد
وشاكر افضالكم
اخوكم في المسيح

اعرف ايه سر الى هى بتعملو ده عشان الحب مفهوش كرامه وعلى فكره لو كانت بتحبك بجد مكنتشى هتزعلك وكانت هتخاف على مشاعرك وتريحك دايما لو مش لقيت سر للى هى بتعملو ده يبقا هى مش بتحبك فكر كويس وشوف هتقدر تسبها ولا لا بس الاكيد لو مش اتغيرت دلوقتى مش هتريحك بعدين

فعلا يا ملكت الحب عندك حق زي ما انتي قولتي لو فعلا بتحبه مكنتش هتزعله وكانت تخاف على مشاعره وتريحه
واضح من كلامك يا مجروح انك بتحيها لانك كاتب بحبها جدا جدا
وكاتب انها بتحبك طيب لو هي بتحبك بتعمل كدا ازاي صعب
اكيد يا مجروح ان جرحك هيكبر شويه كمان
لان كدا يبقى محبتكش وكان بيتلعب بيك وتعيش وتاخد غيرها
متزعلش مني انا بهزر
بس لو فعلا مش لاقي سبب وحتى لو انت بتحبها امسك نفسك على الاخر لو بتموت من بعدها عنك بلاش ترجعلها يمكن هي تفوق من اللي هي فيه وتعرف انك المفروض حبيبها وتغير طريقتها معاك
يارب اكون افدتك ,,,,,,,,,, بوب

اول احتمال ان هى تكون حبت قبليك واتجرحت وكرمتها قلت فى الحب الى قبليك فهى بتحاول ان هى متعملش الى هى عملتة تانى فى الحب الاول وحتى لو كدا فعلا ده مش يديلها الحق في انها تعمل معاك كدا لانك اكيد مش ليك ذمب في كدا وممكن تكون افضل من اللي جرحها لانه اكيد مكنش بيحبها بس واضح انك انت بتحبها فعلا
تاني احتمال ان هى تكون مش بتحبك لان الحب مفهوش كرامة
يريت اكون افدتك
وانا بدعيلك من كل قلبى انكوا تكملوا م بعض فى حياة سعيدة مع الرب يسوع وبدعي ليها هي انها تحس بيك وتغير المعامله معاك ................همسة حب