نقـــــــــــــــــــــــــطة دم

نقطة دم

كان مره في قطه ماشيه في شارع مابيعديش فيه حد خالص فا وهي ماشيه وجدت نقطه دم علي الارض راحت واخدها بالسانها ومشيت ولقيت انا طعمها حلو وجت القطه تاني يوم من نفس الشارع لقيت نقطه دم في نفس المكان علي الارض راحت برده واخده نقطه الدم ماهو الحال عجبها وبرده 3 يوم حصل معاها نفس الكلام وبتلاقي نقطه الدم في نفس المكان و 4 يوم برده و5 يوم وهكذا فضلت كل يوم تاخد نقطه الدم من نفس المكان بالضبط لمده 3 شهور لحد ما جت في يوم ماتت عند المكان اللي فيه نقطه الدم .... بس كان فيه حاجه غريبه جدا القطه رغم انها كانت كل يوم تاخد نقطه الدم وهي مبسوطه بطعمها كانت بتضعف اكتر وفضلت علي مدار ال3شهور تضعف وتضعف وتضعف لحد ما ماتت رغم ان المفروض يحصل العكس!!!!! وفيه كمان حاجه تانيه الشارع ده مفيش ولا واحد بيعدي منه نقطه الدم دي كانت بتيجي منين كل يوم!!!!!!!! خلاص مش هاحيركوا كتير في اول مره خالص المكان اللي كانت عليه نقطه الدم دي عباره عن سن زجاجه مكسوره علي الارض فلما القطه اخدتها بالسانها ومشيت طبعا اتعورت فسابت مكانها نقطه دم بدل اللي خادتها وفضلت علي الحال ده و كده هي مبسوطه لكن كان دمها بيتصفي وهي مش عارفه لحد ما ماتت بسبب نقطه الدم وهي فاكره انها بتتمتع بطعم نقطه الدم لكن اللي كان بيحصل انها كانت بتموت نفسها بالبطيء.................... القصه دي بالضبط عامله زي علاقتنا بالشهوات اي شهوه فالقطه دي هي انا وانت وانتي وكلنا ونقطه الدم دي هي الشهوه علي اد ما احنا بنمارس الشهوه واحنا حاسين بمتعه ومبسوطين لكنها متعه لحظيه لكن هي بتموتنا بجد بتموت روحنا وبتدمر عقلنا ولو فضلنا وراها هنموت روحنا بجد ونحس اننا انفصلنا عن ربنا ويبقي ابليس عمل اللي عايزه ابليس هو اللي بيحطلنا اول نقطه دم واحنا لو خدناها ممكن جدا تستعبدنا الشهوه زي ما نقطه الدم عملت في القطه احذروا من الشهوات ولو فينا حد واقع في شهوه معينه ممكن جدا ما يعديش من الطريق اللي فيه نقطه الدم (الشهوه)ويبقي كده خلص من الموضوع ده ولو اتعودت تمشي في الطريق ده تحاول ولو مشيت مره ما تمشيش التانيه الموضوع بس محتاج شويه اراده وكلنا طبعا اقويا ء لان معانا يسوع المسيح وبالصوم والصلاه نقدر نمسح نقطه الدم دي من الشارع (حياتنا)ويبقي الشارع نظيف وحياتنا بتقوي وتقوي بالعشره مع ربنا

واواواواواواواواواواواواواواواواواو
جامد جدا تسلم ايدك بجد ياتسونى روزى

جميلة اووووووىتسلم ايدك
ربنا يبارك خدمتك