شويه نكت حلوه .........

موضوع: شويه نكت حلوه ......... 3/9/2009, 5:38 am

*واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله

*واحد نايم جنب مراته فسمعت صوت، بتقوله يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى معاه ماتخفيش سايبة فى البيت سبع

*واحدة ست مسكت حرامى فى المطبخ ،فقالت لابنها روح إنده ابوك من على القهوة جه ابوه ولما فتح المطبخ لقي الحرامي صغيّر فقال له انت اسمك ايه؟ قالوا حسنين،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين حسنين

*واحد صعيدي مراته بتقوله قوللي حاجة حلوة يا راجل قاللها بسبوسة قالتله لأ قوللي حاجة تهزني قاللها مرجيحة قالتله يا راجل قولي كلمة تحسسني ان انا مراتك قالها انت طالق

*مرة واحد حب يتخلص من الدهون الي في جسمه شرب كيس بريل قاهر الدهون

*مرة حرامي تجوز أبلة رياضيات خلفوا ولد شبه منحرف

*واحد قليل الادب كتب فى كروت فرحه الزفت اللي الجاى الفرح ميتاخرش .واللي مش جاى فى ستين دهية.. والكلاب الصغيرة تترزع فى البيت ...والحق على الواطى العزمكو

*دكتور فى مستشفى المجانين حب يعرف نتيجه العلاج بتاع المجانين بتوعه قال اخدهم للبحر المهم راحو البحر المهم اللى جرى على الميه واللى بيلعب فى الميه ماعدا واحد لاقه قاعد لوحده قال يمكن عقل راح قعد جنبه وقاله انت بتبص للبحر وتتأمل كده ليه فى البحر قاله بفكر لو البحر ده ملوخيه نجيب عيش منين

*مرة 4 دخلوا يحيو فرح راح الاول نقط بخمسة جنية وضرب طلقة في الجو راح التاني منقط بعشرة جنية وضرب طلقتين في الجو راح التالت منقط بعشرين وضرب ثلاثة طلقات في الجو جه ابوهم وحب يعمل مجاملة نقط بمائة جنية ورمي قنبلة علي الفرح

*الولد اتأخر على المدرسة فالمدرس بيسأله اتأخرت ليه قاله اصل بابا بيضرب اخويا، قاله طب وانت مالك، قاله اصله بيضربه بالجزمة بتاعتي

*مرة واحد بلديتنا صعيدي بيلعب دومينو مع الحمار فواحد شافه فقاله مش عيب لما تلعب دومينو مع الحمار قاله الحمار الي مش عاجبك ده غلبني عشرين دور

*استضافوا واحد صعيدي في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة

*واحد صعيدى عايز يخس الدكتورقالة لازم تمشى 10 كيلو كل يوم بعد3 شهور كلم الدكتور وقالة انا داخل على ليبيا كفاية ولا أكمل

*مرة اتنيين مساطيل راكبين عربيه فواحد بيقول للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة" برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه وقاله "اعملك ايه مش انت الي سايق

*مرة واحد ماشى مع خطيبته واخر انسجام فقالها "عارفة اية هو الحب واية الجواز؟
" قالته "لا" قالها: "الحب زى النجوم الجميلة اللى فى السماء" قالتله"طب والجواز؟" قالها:دى البلاعة اللى واحنا بنبص على النجوم بنقع فيها

*مره عملوا مسابقه لتعجيز الكمبيوتر كل ماحد يساله سؤال يجاوب بعد اقل من دقيقه جه الصعيدي كتب السؤال بتاعه الكمبيوتر طلع دخان واتحرق سالوا الصعيدي سؤالك كان ايه قال انا سالتوا ابو قردان قبل ما يخلف قردان كان اسمه ايه؟

*مرة شوية مجانين فى مستشفى رسموا باب على الحيط وقعدوا يخشوا فية بكتفهم علشان يتفتح فالدكتور دخل عليهم لقى واحد قاعد على جنب قالة انت اللى عاقل فيهم والله انت مبتعملش زيهم لية قالة ...... قالة حمير ميعرفوش ان المفتاح معايا

*وحده حامل راحت تولد الدكتور طلع اول طفل ضربه على ظهره وحطه على جمب جه وطلع التانى وحطه على جمب بيطلع التات ما رضيش يطلع قال للممرضه تعالى كملى انتى انا تعبت قام بص الطفل التالت وقالها الراجل اللى بيضرب العيال مشى ولا لسه
يارب يعجبوكم

موضوع: رد: شويه نكت حلوه ......... 3/9/2009, 8:48 am

مرسى على النكت الجميلة

موضوع: رد: شويه نكت حلوه ......... 3/9/2009, 9:08 am

استضافوا
واحد صعيدي في برنامج الكاميرا في الملعب سألوه بتشجع مين قالهم المقاولين
العرب قالوله بتحب مين في المقاولين العرب قالهم الجماعة بتوع المحارة
هههههههههههههههههههههههههههههههه

موضوع: رد: شويه نكت حلوه ......... 4/9/2009, 4:20 am

بنت الملك كتب:: مرسى على النكت الجميلة

ميرررررسى ليكى انتى يا قمر
ربنا يباركك

موضوع: رد: شويه نكت حلوه ......... 4/9/2009, 4:21 am

المدير العام كتب:: استضافوا
واحد صعيدي في برنامج الكاميرا في الملعب سألوه بتشجع مين قالهم المقاولين
العرب قالوله بتحب مين في المقاولين العرب قالهم الجماعة بتوع المحارة
هههههههههههههههههههههههههههههههه

ميرررسى كتيرررررر على المشاركه الحلوه
ربنا يباركك

» شويه نكت.....
» فتح مخك فكها شويه ما تحبكهاش
» ممكن تركز شويه !!!
» شويه صور تموت من الضحك
» شويه اسرار بقي اكيد قليل اللي عارفها