برامج القنوات الفضائية اليومية .. و نِعم الوطنية !
4 مشترك
كاتب الموضوع
رسالة
sally roka
النوع : نوع المتصفح: : الجنسية : المهنة : الهوايات : تاريخ التسجيل : 10/12/2009العمر : 36المشاركات : 689معدل تقييم المستوى : 2بمعدل : 1027تاريخ الميلاد : 01/12/1987الكنيسة او الابراشية : : العذراء مريم والملاك ميخائيل
موضوع: برامج القنوات الفضائية اليومية .. و نِعم الوطنية ! 5/8/2010, 12:32 am
صباح الخير او صباح بنت ام صباح اللي كل يوم بتقف تنشر غسيلها قدام الحارة كلها
لافت نظري من زمان البرامج اليومية في مصر بمقدمينها النجوم زي عمرو اديب .. محمود سعد .. منى الشاذلي .. معتز الدمرداش .. عمرو الليثي
طبعا كلهم أصبحوا نجوم مجتمعنا حاليا وناس عالعين والراس واشهر من المطربين والفنانين واشهر من الكل وليهم معجبات كمان وغير كل دة هما بعون الله " نجوم " !
بس انا ليا كم اعتراض كدة عالناس دي الناس اللي عاملين زي صباح اللي بتقف تنشر غسيلها ال.... مشيها ( القذر ) عشان الناس اللي بيقولوا عيب انت في منتدى مسيحي الناس اللي بتفضح نفسها بنفسها
الناس دي خلت مصر عبارة عن منشر غسيل مش نضيف .. دة قبل مايتحط علية الغسيل القذر كمان ! خلوا البلد في حد ذاتها مش نضيفة وصورهولنا انها مخروطة كدة عالخريطة وانك يا مصري لو اتشقبلت هتفضل كدة انت يابن الناس مولود كدة ! ومن بعدها في كل حلقة يبدأوا ينشرولنا الغسيل
احنا كمصريين عارفين الكلام دة البلد خربانة وحالها ميسرش كافر حتى بس هي الناس دي متعرفش ان قنواتهم ارسالها بيوصل لبلاد اوروبية وعربية تاني ؟
الناس دي متعرفش ان اي مصري بيسافر برة دلوقتي بيبصولوا انه شحات جاي يدور على فلوس ؟
ميعرفوش انك اول ماتكلم حد عالنت مثلا وتقوله انا مصري يرفع حاجبه الشمال ويشم ريحة صناديق الزبالة اللي بيشوفها في البرامج دي !؟
ميعرفوش ان كلمة مصريين دلوقتي برة اقترن اسمها بـ : الشحاتين , النصابين , الفساد , التلوث ... وووووو الخ .
ياخونا عمركوا سمعتوا عن برنامج سعودي بيطلع يقول السعودية فيها فساد ! اللي سمع يقولي يمكن انا سمعي تقيل ! ولا مثلا البحرين بلد التلوث ولا ايطاليا والتحرشات والشذوذ ولا انجلترا بلد النصابين ؟
في برامج بتقول كدة !!!؟؟ ولو في بيبثوا البرامج دي فضائيا ؟
مش فاهم اية الفكرة في بث برامج فضح البلد فضائيا ؟ اية اللي هيزيد ؟ انت ياللي بتعمل البرنامج عايز تقدم لمين ؟ مش لنصابين بلدك ؟ ولا بتعلم نصابين هولندا النصب من خلال بث برنامجك فضائي !؟ او بتدي كورسات تلوث لاسبانيا !؟
بعيدا عن كل دة شخصيات المذيعين نفسهم بأة يعني واحد زي الأستاذ عمرو اديب الراجل دة عمرك ماتسمعوا يقول الكلمات دي " متفق معاك , كنت غلطان , انا اسف , ياجماعة هنصحح خبر " الا لو غلط في منتخب الساجدين ! عمرو اديب شخصية معترضة على كل شيئ ! مبيقبلش اي حاجة ابدا شخصية متناقضة لابعد حدود يقول الخبر وينفخ صاحبه عالهوا ولما الخبر يتكذب تاني يوم يعمل اهبل ! ولا كأن في حاجة !
دة غير الأستاذ معتز الدمرداش الراجل اللي فاتح بؤه طول ال 90 دقيقة نفسي اشوفه اقوله اقفل بؤك يا استاذ ! الراجل دة المحصله الثقافية بتاعته ماليها رز بالخلطه .. لا يفقه في اي شيئ في الدنيا اي اي اي اي ضيف بيجي يتكلم في اي موضوع تلاقية البية فاتح بؤة وبيقوله معلش فهمني اكتر !!
ولا الأستاذه منى الشاذلي مثال حي للمذيع فارض الرأي وطبعا انا مش هتكلم عشان حضراتكوا فاكرين موقفها من ظهورات العذراء الأخيرة جابت راجل مرة في تقرير موت من الضحك عليه قال كدة بالظبط " انا كنت قاعد في الدكان ومشوفتش العدرا خالص .. مع اني كنت عند الكنيسة وقاعد عند الدكان بس العدرا مكانتش هناك ولا عند الدكان عشان الكنيسة اصلا بعيدة عن الدكان فالعدرا مظهرتش دي تخاريف "
والأستاذ صاحب شعار " خلقت لأعترض " استاذ المسلماني مقدم برنامج الطبعه الأولى أحيي فيه ثقافتة الشديدة بجد ولكن إعتراضي علية هو إعتراضة على كل اللي حوالية حتى نفسه ! هو بيعترض على اي شيئ وعلى اي حد وفي اي حتة وفي كل مكان !
في كل دة مبشوفش في بلدنا غير الأستاذ محمود سعد .. والأستاذ عمرو الليثي الناس دي لاتبحث الا عن الشارع المصري فعلا الناس اللي بتقول معانا مشكلة في مستشفى كذا وبعد دقيقتين يا جماعه المشكلة اتحلت !
مش طول النهار فساد , زبالة , تلوث , سرقة , نصب و و و و ...
أخيرا كل البرامج اللي بتقدم جميلة ومفيدة في حالة واحدة فقط بثها ارضيا في التليفزيون المصري فقط ! مش فضائيا لان أولا مش لاقي فايدة من بثها فضائي ! ثانيا كفاية المصريين أصبحوا زبالة العالم بالنسبة للكل .
وياريت حد يبلغ صباح بنت ام صباح تدخل وتلم غسيلها ويقولها كفاية فضايح !
أُيه يفيد نبض قـــلـــبـــِے ^_^وانا مش عارف أعيش آَة يا وجعيِ يا مراريِ يا آلهي طفيّ ناري مش بأقول هاخد بتاري بس عدلك هو قصدى
Abanoub Tharwat + المسئول التانى عن المنتدى +
النوع : نوع المتصفح: : الجنسية : المهنة : الهوايات : تاريخ التسجيل : 02/09/2009العمر : 33المشاركات : 1740معدل تقييم المستوى : 9بمعدل : 2066تاريخ الميلاد : 25/04/1991الكنيسة او الابراشية : : كنيسة السيدة العذراء مريم عين شمس الغربية القاهرة
موضوع: رد: برامج القنوات الفضائية اليومية .. و نِعم الوطنية ! 5/8/2010, 3:36 am
ههههههههههههههههه انتى بتكلمى صح وفاضحنا صحيح فى الفضائيات ومصر دلوقتى ماشاء الله مثل البلد المشرف """""""""ههههههههههه انا مصرى وعندى حقوق مصرية """""""""""""
christina.awad + المسئول التانى عن المنتدى +
النوع : نوع المتصفح: : الجنسية : المهنة : الهوايات : تاريخ التسجيل : 03/09/2009المشاركات : 7214معدل تقييم المستوى : 29بمعدل : 8649الكنيسة او الابراشية : : كنيسه العذرا وماريوحنا بالزقازيق
موضوع: رد: برامج القنوات الفضائية اليومية .. و نِعم الوطنية ! 7/8/2010, 10:13 pm
ميرسى كتير لتعبك الجميل
™¤¦ابانوب عماد¦¤™
النوع : نوع المتصفح: : الجنسية : المهنة : الهوايات : تاريخ التسجيل : 02/09/2009العمر : 33المشاركات : 7907معدل تقييم المستوى : 22بمعدل : 8764تاريخ الميلاد : 06/08/1991الكنيسة او الابراشية : : كنيسة الملاك ميخائيل
موضوع: رد: برامج القنوات الفضائية اليومية .. و نِعم الوطنية ! 12/8/2010, 2:20 pm
وعلى رأي اللي قال لو لم اكن مصريا لارتحت نفسيا ههههههههههه صباح بنت ام صباح ميرسي كتير موضوع جميل ,,,,,,,,, بوب
برامج القنوات الفضائية اليومية .. و نِعم الوطنية !
5/8/2010, 12:32 am
